RIBADEO .- (FNC) O Museo Provincial de Lugo acolle unha exposición do artista barreirense Celso Dourado. Arredor do debuxo é, en verbas do autor, “unha retrospectiva que está concibida coma un recopilatorio da miña obra onde o debuxo é o eixo fundamental que o conduce”.
Na exposición poderanse ver 70 obras “todas con carácter figurativo e unha temática surrealista, como un realismo onírico. Hai distintas temáticas agrupadas en series: unha chamada Olladas, onde o rostro humano é o protagonista, e outra denominada Mímicas, coas mans coma motivo principal e a linguaxe específica das mans”, segue a contar Celso Dourado.
As técnicas empregadas na súa traxectoria son “a táboa, queimaba as madeiras con distintos procedementos entre eles a pirografía. Hai unha evolución onde o grafito e o lápiz son o elemento principal e despois hai unha representación do bolígrafo tamén coma ferramenta principal… os debuxos foron feitos de bolígrafo sobre distintos soportes e con diferentes cores”.
Arredor do debuxo estará aberta no Museo Provincial de Lugo ata o vindeiro 4 de febreiro. O acto de inauguración de hoxe contará coa actuación musical de Mini e Mero, dous bós amigos de Celso Dourado.
Biografía
Celso Dourado naceu en 1960 en Barreiros (Lugo). Á idade de 8 anos sofre un accidente que lle amputa ámbalas dúas mans, feito que marcará tanto a súa existencia coma a propia obra. Realiza estudos de arte en Madrid, Lugo e A Coruña. Expón con regularidade a partir dos anos 80 e colabora como ilustrador nalgunhas publicacións.
A finais dos 80, inicia un proxecto que lle ocupará varios anos. Consiste na creación dun espazo persoal, realizado con materiais de refugallo na súa maior parte; alberga vivenda, obradoiro e unha exposición permanente, que ten previsto inaugurar este verán.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
