Nota de prensa
A DELEGADA TERRITORIAL LEMBRA AO ALCALDE DE RIBADEO QUE O CONCELLO É O RESPONSABLE DE CUMPRIR OS REQUISITOS PARA A OBTENCIÓN DA CONSIDERACIÓN DE BANDEIRA AZUL
O goberno galego continuará traballando, como ata agora, con responsabilidade e continuidade pola salvagarda e promoción deste paraxe, independentemente do problema puntual relacionado coa bandeira azul
Lugo, 10 de xuño de 2011.- A delegada territorial da Xunta de Galicia, Raquel Arias, instou hoxe ao alcalde de Ribadeo a non esquivar a súa responsabilidade sobre a perda da consideración de bandeira azul para a praia das Catedrais.
A representante do Executivo galego, considera que o rexedor está tratando de desviar a atención involucrando a todas as administracións nun problema que é estritamente seu. Ao respecto, sinala que a bandeira azul non foi concedida debido á ausencia ou deficiencia de servizos que son competencia exclusiva do concello.
A estratexia de Fernando Suárez pretende mesturar un problema concreto -a perda da bandeira azul, que só pode resolver o concello- cun problema de ordenación xeral do entorno das catedrais, que nin ten relación algunha co problema da bandeira nin se debe abordar para tratar de agochar este, senón con responsabilidade, como ven facendo a Xunta dende hai anos.
A Xunta sempre traballou pola preservación dos valores naturais da praia das Catedrais, xa que é un Lugar de Interese Comunitario da Rede Natura, ten a consideración de monumento natural e forma parte da Reserva da Biosfera do Río Eo, Oscos e Terras de Burón. Polo tanto, o traballo da Xunta de Galicia neste entorno ven de lonxe, e é serio e responsable como corresponde á preservación dun ben destas características.
Por suposto, é un traballo totalmente alleo á consideración que a asociación internacional Adeac -Asociación de educación ambiental e do consumidor, de carácter privado- faga sobre outros condicionantes que determinan a concesión da bandeira azul, que teñen máis que ver coa existencia ou non de servizos a disposición dos usuarios.
En relación a este problema xeral de ordenación, a Consellería de Medio Rural contempla posibles actuacións a realizar na marisma de Ribadeo e na praia das Catedrais, no marco dos plans de preservación dos bens naturais da Reserva da Biosfera do río Eo, Oscos e Terras de Burón. Ao respecto, a Xunta de Galicia e o MARM asinaron un convenio en decembro do 2010 para establecer as liñas xerais de traballo.
Unha das posibilidades que se están a barallar é a de redactar un plan de ordenación do uso público da praia, que non tería necesariamente que significar a limitación do acceso. En todo caso, é un proxecto que está en fase de estudo co Ministerio de Medio Ambiente, medio Rural e Medio Marino e no que se pretende que, lóxicamente, participe o Concello de Ribadeo.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
Na súa representación estivo o seu Presidente, José Veiga, apoiado pola Alcaldesa, María Loureiro, compañeiros da Xunta de Confrarías e Monseñor Fernando García Cadiñanos, Bispo de Mondoñedo-Ferrol que á súa vez contaba coa compañía do Párroco D. Xosé Ramón Escourido Basanta.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
