Nota de prensa:
Así o deu a coñecer a directora xeral de Infraestruturas na Comsión de Obras Públicas do Parlamento de Galicia celebrada no día de hoxe
A XUNTA CONFIRMA, A PREGUNTAS DE BALSEIRO, QUE PREVÉ CONTAR CO PROXECTO CONSTRUTIVO DO TRAMO DA VAP VIVEIRO SUR-CELEIRO NESTE ANO, SOMETELO A INFORMACIÓN PÚBLICA E ACOMETER AS EXPROPIACIÓNS
O deputado popular agradece que por fin exista un compromiso claro e realista sobre a mesa, con investimentos relevantes e obras sobre o terreo como acontece co tramo Celeiro-San Ciprián.
Santiago, 27 de maio de 2011.- A directora xeral de Infraestruturas da Xunta de Galicia, Ethel Vázquez confirmou en resposta parlamentaria ao deputado do Grupo Popular, Jose Manuel Balseiro, que o seu departamento prevé contar co proxecto construtivo do tramo da Vía de Altas Prestacións (VAP) entre Viveiro Sur e Celeiro neste ano, o 2011, sometelo a información pública e acometer as expropiacións necesarias para levar adiatne as obras.
A alto cargo da Consellería de MATI confirmou polo tanto a posta do goberno popular por dar un impulso a esta infraestrutura de grande interese social que o bipartito mantivo paralizada durante os seus anos de goberno na Xunta.
Jose Manuel Balseiro insistiu na importancia de cumprir cos prazos establecidos na planificación estratéxica da Xunta –coñecida como plan MOVE- e sinalou que no referente a esta vía de alta capacidade todo o anterior foron incumprimentos “polo que os veciños da Mariña xa están moi cansados o que queren é ver avanzar esta obra”. Nese senso agradeceu á representante do actual equipo directivo da Xunta que “por fin exista un compromiso claro e realista sobre a mesa, con investimentos relevantes –máis nos tempos que corren- e obras sobre o terreo como acontece co tramo Celeiro-San Ciprián”
Sétimo día de concentracións en defensa dos pacientes da Mariña "e a situación, din, manténse como o primeiro día, con carencias graves de persoal facultativo especialista en dermatoloxía, neuroloxía, reumatoloxía, dixestivo, radioloxía, uroloxía, cardioloxía ou medicina interna".
Durante o seu percorrido pola feira, a conselleira puxo de relevo a importancia de eventos deste tipo que contribúen á dinamización das zonas rurais e, neste caso, a dar a coñecer o traballo que desenvolven estes artesáns do ferro.
O conselleiro do Mar asistiu ao xantar da III Festa das Xeracións na carpa da Praza dos Campos.
En total puxeron á venda 300 kgs de mexillóns na carpa instalada para a celebración deste evento gastronómico, que tivo por obxectivo poñer en valor un produto do mar como é o mexillón. A xornada contou con amenización musical. Ata Rinlo se achegaron o alcalde, Dani Vega, as concelleiras de Turismo, Cultura e Benestar Social, Marta Saiz, Begoña Sanjurjo e Elena Sierra, e o conselleiro do Mar, Alfonso Villares.
Tras o partido que se decidiu na tanda de penaltis a favor do equipo da Mariña, o responsable provincial valorou "o encontro como unha mostra do gran nivel do fútbol sala feminino na provincia con dous equipos que ofreceron unha gran espectáculo deportivo" e destacou "o bo ambiente no pavillón coas afeccións apoiando en todo momento ás súas xogadoras".
Chámase Jilgueritos e xa se integrou na Asociación de Comerciantes, Industriais, Servizos e Autónomos (ACISA) de Ribadeo.
Está fixada para as 20:00 horas en primeira convocatoria e media hora despois en segunda. A orde do día inclúe estes asuntos a tratar: lectura e aprobación, se procede, da acta da asemblea anterior; estado de contas da asociación; informe de actividades desenvolvidas; informe do director da Banda; e preguntas e suxestións.
