Nota de prensa
*ANTONIO VEIGA INAUGUROU HOXE A V FEIRA DA ARTESANÍA DO FERRO EN RIOTORTO*
*O delegado de Cultura da Deputación xunto ao alcalde de Riotorto, Federico
Gutiérrez Estoa, abriron oficialmente a V edición da feira adicada á tradición
ferreira do concello, que cada ano gaña unha maior repercusión*
*A través do Plan do Ferro, a Deputación de Lugo investiu 190.000 euros para
recuperar o oficio de ferreiro, ademais de poñer en marcha estratexias de posta
en valor e dinamización turística*
*RIOTORTO, 10 de abril de 2011*.O deputado da Área de Cultura da Deputación de
Lugo, Antonio Veiga, inaugurou esta mañá a V Feira da Artesanía do Ferro en
Riotorto, acompañado do alcalde de Riotorto, o tamén nacionalista Federico
Gutiérrez Estoa, o presidente do GDR Montes e Vales, Xosé López Tellado e
membros da corporación municipal. Federico Gutiérrez lembrou a importancia que a
artesanía do ferro ten para o concello de Riotorto non só desde o punto de vista
etnográfico ou da tradición, senón tamén como un motor económico que sexa capaz
de xerar emprego e riqueza, ademais de ser unha fonte de atracción do turismo.
Neste sentido apuntou que “temos que agradecer á Área de Cultura da Deputación
de Lugo o seu apoio para contribuír a que a tradición do ferro se erixa como un
piar de desenvolvemento económico e social para Riotorto”.
Os actos de apertura da V Feira da Artesanía do Ferro de Riotorto contaron coa
actuación dos “Gaiteiros de Riotorto” e tamén do coro municipal, para pasar logo
a unha demostración en vivo de forxado e traballo co ferro tal como se fixo
sempre en Riotorto. As autoridades tamén puideron presenciar varias
demostracións en vivo da realización de pezas en ferro doutros lugares, como a
ofrecida polos ferreiros da Fonsagrada, ou o obradoiro de ferro a cargo do
ferreiro austríaco Friedrich Bramsteidl. O delegado da Área de Cultura da
Deputación, Antonio Veiga, coa compaña do alcalde de Riotorto, aproveitou para
percorrer os postos adicados á exposición de artesanía, que incluían outro tipo
de produtos a maiores dos realizados con ferro, como produtos gastronómicos,
pratería, cestería ou traballos de coiro.
Federico Gutiérrez Estoa falou do importante investimento que se realizou para
poñer en marcha o Plan Estratéxico do Ferro 2010-2015, que contou polo de agora
cun investimento de máis de 190.000 euros, poñendo en marcha un obradoiro de
emprego mediante o cal 12 veciños as técnicas de elaboración da ferramenta de
ferro durante un ano, así como outras actividades como visitas guiadas de
escolares ao concello para coñecer a tradición ferreira e recuperación das
marxes do río Torto para realizar unha senda transitábel.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
