Nota de prensa
A conselleira do Mar clausurou as XI xornadas técnicas sobre o ourizo en San Ciprián
ROSA QUINTANA DESTACA OS LABORES DE RECUPERACIÓN DO OURIZO DA MARIÑA COMO EXEMPLO DE EQUILIBRIO SOCIAL, ECONÓMICO E AMBIENTAL
* A titular de Mar salientou que este proxecto permitirá a posibilidade de engadir aos 71 postos de traballo de marisqueo a pé, entre Ribadeo e Ortigueira, novos permisos de explotación
Cervo (Lugo), 26 de marzo de 2011.- A conselleira do Mar, Rosa Quintana, destacou este mediodía en San Ciprián, Cervo, os labores de recuperación do ourizo da Mariña como exemplo de equilibrio social, económico e ambiental. Fíxoo durante a súa intervención na clausura das XI xornadas técnicas sobre o ourizo enmarcadas XX edición da festa que o concello dedica a esta especie. A titular de Mar salientou que este proxecto permitirá a posibilidade de engadir aos 71 postos de traballo de marisqueo a pé, entre Ribadeo e Ortigueira, novos permisos de explotación e engadiu que este ano na zona da Mariña propóñense 15 novos permex o para o marisqueo a pé.
A titular de Mar salientou a potencialidade que ten o plan de rexeneración do ourizo desta zona para “afianzar e exemplificar” a aposta da Consellería do Mar de “dar dinamismo” ás zonas marisqueiras que perderon a súa capacidade produtiva. Tamén recoñeceu o traballo conxunto e coordinado da triple hélice -administración, científicos e sector- neste cometido. O labor das confrarías de Ribadeo, Burela, San Cibrao, Celeiro, O Vicedo, Espasante e da Asociación de Mariscadoras de San Cosme de Barreiros, do CIMA de Ribadeo e da xefatura territorial da Consellería do Mar, permite, segundo incidiu a conselleira, “prever a xeración de capacidade de creación de emprego”.
Segundo subliñou a conselleira, a recuperación da capacidade de extracción, debe mudar o panorama negativo ao que se someteu ao marisqueo nesta área en anos anteriores. De feito, nos últimos cinco anos , a extracción desta especie entre Espasante e Ribadeo, descendeu nun 50% no marisqueo a pé. Neste sentido, Rosa Quintana subliñou que este plan de recuperación busca “recuperar a potencialidade do ourizo” e traer melloras na xeración de ingresos económicos e no incremento das vendas. En relación ao eido medioambiental, a responsable de Mar valorou o traballo e a responsabilidade dos profesionais na procura da recuperación do ourizo para promover que a extracción do recurso se realice de xeito acorde coa capacidade natural que ten para rexenerarse.
Outras das virtudes que contempla este proxecto e que citou a conselleira, é a consolidación da maioría de idade do sector e da súa capacidade de exercer unha “gobernanza ou cogobernanza da súa actividade”. Estes aspectos, segundo lembrou, veñen reflectidos na proposta que Galicia achegou á Comisión Europea para a reforma da Política Pesqueira Común.
Por último, a conselleira agradeceu ao concello de Cervo, á organización da festa do ourizo, aos hostaleiros e aos seus colaboradores a continuidade do seu labor para seguir recuperando a ilusión polo mar.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
Na súa representación estivo o seu Presidente, José Veiga, apoiado pola Alcaldesa, María Loureiro, compañeiros da Xunta de Confrarías e Monseñor Fernando García Cadiñanos, Bispo de Mondoñedo-Ferrol que á súa vez contaba coa compañía do Párroco D. Xosé Ramón Escourido Basanta.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
