Nota de prensa:
Besteiro recalca á Feijóo a necesidade da presencia do Presidente da Xunta no debate sobre demografía
– O Presidente da Deputación convidou persoalmente a Feijóo á xornada Lugo Reacciona. Debate con Propostas de futuro fronte ó despoboamento demográfico
– Os mellores especialistas na materia en Galicia daranse cita no encontro para consensuar propostas concretas de futuro co obxectivo de fixar a poboación
– Besteiro reiterou a necesidade dunha alianza estratéxica para combater datos como os do INE: dende 1950, Galicia perdeu un terzo da súa poboación
O Presidente da Deputación, José Ramón Gómez Besteiro, convidou persoalmente ó Presidente da Xunta, Alberto Núñez Feijóo, á xornada “Lugo Reacciona. Debate con Propostas de futuro fronte ó despoboamento demográfico”. Gómez Besteiro aproveitou a visita que ambos os dous mandatarios realizaron hoxe ó parque de bombeiros de Vilalba, para recalcarlle a Feijóo o interese da Deputación, así como a necesidade na provincia e na Comunidade en xeral, da presencia do máximo mandatario galego na 1º xornada-debate destas características que se celebra en Lugo. A semana pasada, o organismo provincial enviou xa a invitación oficial ó Presidente da Xunta.
Gómez Besteiro explicoulle a Feijóo que a Deputación leva varios meses traballando na organización deste encontro co obxectivo de consensuar medidas concretas e con continuidade que combatan o retroceso poboacional que sofre Galicia. Para elo, o 4 de marzo daranse cita no Pazo de San Marcos os mellores especialistas da Comunidade nesta materia.
O titular do organismo provincial lembroulle, tal e como fixo xa na súa intervención no Parlamento durante o mes de novembro, a necesidade de que as administracións sumen esforzos e poñan en marcha políticas de actuacións a este respecto. Deste xeito, salientou que a Deputación xa accionou, dentro das súas posibilidades, medidas que xeran novas oportunidades económicas no rural lucense, zona máis afectada polo fenómeno poboacional. É o caso da construción das 10 primeiras residencias con centro de día, da total implantación da administración electrónica e a banda longa nas Casas Consistoriais, as subvencións ás explotacións gandeiras, ou a consecución de 20 millóns de fondos europeos para facer do medio ambiente a nosa oportunidade económica.
Besteiro insistiu na “prioridade” de definir unha alianza estratéxica que faga fronte a datos coma os publicados polo Instituto Nacional de Estatística os cales alertan de que Galicia e a segunda Comunidade no país na que menos nacementos se rexistran. Dende 1950, a provincia perdeu un terzo da poboación, de 508.900 habitantes naquela data pasou ós 355.549 actuais. Na actualidade, existen máis de 1.400 aldeas baleiras en toda Galicia. O número de cotizantes da Seguridade social en Lugo é de 125.000 persoas. Deste xeito, mentres que a ratio española de cotización por afiliado é de 2,6 por xubilado, na provincia é de 1. Lugo encabeza ademais o retroceso demográfico de 2010 ó perder case 3.000 habitantes. Destaca a poboación da zona sur, que baixou un 10,3% nos últimos dez anos. En canto a Concellos con menor poboación, salientan os de Negueira de Muñiz e o de Ourol que apenas supera os 1.000.
Desenvolvemento do debate
A xornada, de entrada libre, dará comezo ás 17:00 horas e será inaugurada pola Secretaria Xeral da Federación Española de Municipios e Provincias (FEMP), Isaura Leal. A continuación, comezará o debate coa participación, entre outros, de José Precedo Ledo, profesor especialista en Xeografía Humana, ex-director e Secretario Xeral da Xunta de Galicia; José Manuel Colmenero Álvarez: especialista de Estatísticas e Investigación Operativa e delegado provincial do INE en Lugo; e de Francisco Sineiro García, un dos profesores con maior prestixio en Galicia de Economía Agraria e ex Conselleiro de Agricultura da Xunta con González Laxe. As conclusións para a súa posterior elaboración correrán a cargo do profesor e doutor en Ciencias Políticas e Socioloxía, Vicente González. O encontro estará moderado polo que foi Director de Sondaxe durante 20 anos e Profesor de Socioloxía, Gabriel Vázquez. A clausura correrá a cargo do Presidente da FEGAMP, Carlos Fernández.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
