Nota de prensa:
Barreiro acusa a Besteiro de utilizar o Lugo Emprega para colocar “os amigos” do Partido Socialista e do BNG
* O voceiro dos populares na Deputación asegurou hoxe en rolda de prensa que constataron moitas irregularidades na selección dos beneficiarios do plan de emprego provincial, “que viñeron a confirman as nosas sospeitas”
* Explicou que os plans de promoción do emprego da Xunta, ó contrario do da institución provincial, dan estabilidade e continuidade ó emprego que xeneran
Lugo, a 25 de febreiro de 2011.- O emprego constitúe unha das principais fontes de preocupación da cidadanía e tamén das institucións. Algo que, ó entender do Partido Popular, é unha obviedade dado o contexto económico actual e a elevada taxa de paro rexistrado. O xeito de afrontar este problema dende as distintas administracións é nembargantes e ó entender dos populares onde xurden as discrepancias.
Así, dende o PPdeLugo o seu presidente e voceiro do grupo provincial reiterou hoxe as súas críticas ó Plan Emprega posto en marcha pola Deputación, recalcando que, ademais de atentar contra autonomía municipal ó quitarlle ós concellos de menos de 5.000 habitantes a capacidade de asumir a realización do proceso de selección dos traballadores, otorgando, por tanto, un trato diferencial entre uns municipios e outros, non persegue a creación de emprego estable e busca, dado o momento no que se pon en marcha, un rédito electoral. “O que sospeitamos cando se anunciou o plan, confírmase agora, rematado o proceso de selección”, apuntillou.
Así, segundo puxo de manifesto, nos procesos de selección dos 711 aspirantes a ocupar un dos postos incluidos no Lugo Emprega detectáronse “unha vez máis e como xa é frecuente nos procesos de selección de traballadores que realiza a institución provincial”, moitas irregularidades.
“En xeral”, explicou Barreiro, “as persoas seleccionadas son principalmente afins ó PSOE pero tamén o BNG”. Barreiro puxo algúns exemplos desta “curiosa” circunstancia: en Lourenzá resultou seleccionado un ex concelleiro socialista; en Bóveda, o secretario local dos socialistas; en Carballedo tamén pasaron a criba cargos do PSOE, ademais de familiares de dirixentes deste partido, casos similares tamén se constataron en Trabada, onde foi seleccionadoa a irmá dun concelleiro socialista que nen sequera reside neste municipio; no concello de Quiroga o irmán dun concelleiro do BNG …
A ENTREVISTA, DETERMINANTE
Segundo asegurou, “outra vez” voltou a empregarse a entrevista persoal para “colocar a quen interesaba e descartar a quen non”. “Aspirantes que sacaron a mellor nota nas probas escritas, obtiveron valoracións moi baixas nas entrevistas persoais”, explicou.
O líder dos populares lucenses argumentou ós seus reparos á política de emprego desenvolvida pola institución provincial facendo paralelismos coas iniciativas desenvolvidas neste eido pola Xunta. Así, recalcou que a administración galega establece todos os anos, e enfatizou o feito de que sexa todos os anos, un plan de cooperación coas entidades locais e mesmo a posta en marcha de obradoiros de emprego e de escolas obradoiro que o pasado ano supuxeron a creación de 1.514 postos de traballo, dos que, entre outros cometidos, 620 corresponderon a obradoiros de emprego e escolas obradoiro e 645 a plans de cooperación cos concellos.
O popular puntualizou que a selección e contratación destes traballadores realizana directamente os respectivos concellos, que a meirande parte dos contratos teñen unha duración superior ós seis meses e que o feito de que sean plans que se desenvolven todos os anos imprime continuidade á iniciativa.
INTERESE PARTIDISTA
“Cal é o resumo que podemos sacar de todo isto?”, preguntouse Barreiro, pois que “José Ramón Gómez Besteiro emprega todos os recursos da Deputación en beneficio propio, buscando sempre o rédito electoral, despreocupándose de resolver os problemas e carencias que ten a provincia e os seus habitantes.
Barreiro lamentou que Besteiro opte por seguir ó pe da letra o modelo Zapatero de utilizar o drama das persoas que non atopan emprego, “por culpa da mala xestión e das políticas erróneas aplicadas polo propio goberno central” explicitou, para tentar de arañar algún tipo de beneficio electoral.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
