Nota de prensa
A mocidade, a grande beneficiaria dos dous programas de emprego para 1.000 persoas que arrinca a Deputación
– O organismo provincial publicou hoxe na súa web os 576 admitidos nos cursos que se impartirán co Pacto Provincial polo Emprego xunto ós 451 do Lugo Emprega
– Besteiro presentou as cifras á Asociación de Xóvenes Empresarios que avalan que máis do 70% dos beneficiarios do Pacto Provincial ten entre 16 e 45 anos
– AJE apoia ó Concello de Lugo na petición de reducir á metade o prezo do solo industrial das Gándaras no almorzo que os empresarios mantiveron co Presidente e o Alcalde lugués
O Presidente da Deputación, José Ramón Gómez Besteiro, e o Alcalde de Lugo, José López Orozco, participaron este xoves nos Almorzos de Negocios organizados pola Asociación de Empresarios de Lugo (AJE). No transcurso do encontro, no que tanto Gómez Besteiro como Orozco compartiron cos asistentes as políticas económicas que están a levar a cabo as dúas administracións para crear emprego na provincia, Gómez Besteiro anunciou que os xóvenes son os que máis se beneficiarán dos programas cos que o organismo provincial contribúe a frear o paro na provincia, o Pacto Provincial polo Emprego e o Lugo Emprega.
A Deputación publicou hoxe mesmo na súa páxina de web a listaxe dos 576 desempregados da provincia que se formarán nas profesións con máis futuro en Lugo, e que foron previamente diagnosticadas dentro do Pacto, dotado con 3,4 millóns de euros e co-financiado nun 80% polo Fondo Social Europeo. Neste senso, o máximo mandatario provincial subliñou que que “o 35% son menores de 30 anos e o 31% maiores de 45 e, por sexos, destacan as mulleres cun 82%”. En total, 1.650 persoas formalizaron a solicitude no INLUDES para participar no programa, case o triple das prazas ofertadas.
Tal e como anunciou o Presidente, a formación iniciarase na primeira quincena de marzo. Está destinada a todos os desempregados da provincia, agás do Concello de Lugo que ten máis de 50.000 habitantes e ten o seu propio Pacto. A formación comprende 45 cursos relacionados coas áreas sociosanitaria, hostalería, turismo e forestal. Suman máis de 15.000 horas de formación e 60.000 de prácticas en empresas. A formación ten un custe 0 para os participantes, polo que a Deputación lles aforra a cantidade que deberían pagar se fixesen os cursos por conta propia, é dicir, unha media de 2.000 euros por persoa e máis de 1 millón de euros a todos os seleccionados. Os beneficiarios recibirán unha axuda económica tanto na formación como nas prácticas equivalente ó 75% do IPREM, ou o que é o mesmo, uns 400 euros mensuais.
As accións formativas celebraranse en distintos Concellos para favorecer a participación dos asistente. A distribución queda do seguinte xeito:
– Na zona norte impartiranse 15 accións formativas que se impartirán 8 municipios: Foz, Ribadeo, Viveiro, Burela, Mondoñedo, Valadouro, Lourenzá e A Pontenova.
– Na centro 19, que se celebrarán en 13 Concellos: Fonsagrada, Cervantes, Monterroso, Palas de Rei, Sarria, Vilalba, Rábade, Guitiriz, Meira, Castro de Rei, Castroverde, Portomarín e Baralla.
– Na zona sur impartiranse 11 cursos que se desenvolverán en Chantada, Monforte, Sober, Ribas de Sil, Pobra de Brollón, Pantón e Bóveda.
O día 1 de marzo, todos traballando
Na xuntanza, o titular provincial destacou que o día 1 de marzo comezarán a traballar nos Concellos de menos de 5.000 habitantes os 451 desempregados que foron seleccionados dentro do Lugo Emprega. Destes, o 71% dos beneficiarios teñen entre 16 e 45 anos. O 29,21% sobrepasan esta idade. Nos municipios de máis de 5.000 habitantes, os Concellos están a realizar a selección das 260 persoas que atoparán traballo, durante seis meses, grazas ó programa da Deputación. Gómez Besteiro subliñou o éxito da convocatoria, “sen precedentes en Galicia”, xa que máis de 6.700 persoas realizaron a solicitude, 2407 nos municipios de menos de 5.000 habitantes e 4.300 nos que superan esta cifra e os 500 parados.
En total, o organismo provincial destina preto de 15 millóns de euros ó fomento do emprego da provincia. Ás dúas iniciativas anteriores súmanse a convocatoria se bombeiros, a través da que se dará traballo a 114 persoas, e as 120 que presentarán o seu servizo nas residencias da terceira idade e centros de día que construirá SUPLUSA. Neste senso, o máximo mandatario provincial subliñou que “coa Deputación haberá menos paro na provincia, polo que estamos suplindo á Xunta que é a administración con competencias nesta materia. Precisamente, os Concellos nos que máis se disparou o paro no último ano están gobernados polo PP”. A provincia pechou o ano 2010 cun incremento do paro do 10,32% e o goberno autonómico tan só concedeu obradoiros de emprego na provincia a 10 Concello do Partido Popular.
Apoio de AJE á rebaixa de solo industrial proposta polo Concello
Durante o encontro, a Asociación luguesa amosou o apoio á petición do Concello de Lugo de reducir á metade o solo industrial das Gándaras para favorecer o asentamento de empresas. Neste senso, o Presidente subliñou a importancia “de que estes momentos é cando hai que ser máis flexibles. Por exemplo, segundo a política que temos en SUPLUSA, o prezo oscila entre os 35 e os 40 euros”.
Na actualidade, o de Lugo é o quinto polígono máis caro de Galicia e só está superado por 4 de Pontevedra. Na provincia da Coruña o prezo medio por metro cadrado é de 60.26 euros, polo que nin Arteixo, o polígono industrial máis importante e onde puideron situarse multinacionais coma a central de INDITEX, o custe medio non acada o que propón a Xunta, 105 euros. En Ourense, o prezo medio por metro cadrado é de 68,5, e en Pontevedra, de 107 euros.
Ademais a Xunta rebaixou en outro do ano pasado entre un 15% e un 25% o valor das parcelas do polígono de Mondoñedo, Vimianzo e Malpica. O Conselleiro de Medio Ambiente, Agustín Hernández, acordou por aquel entón establecer bonificacións en ditos polígonos, así como nas peticións de compra que se presenten ata finais de xuño de 2011 na totalidade de parques que comercializa a Sociedade Empresarial do Atlántico.
Novas vías de negocio
No encontro, no que ademais do Presidente da Deputación e do Alcalde de Lugo, participaron 20 persoas representantes de distintos sectores económicos, enmárcase dentro do programa de actividades que está levar a cabo a Asociación, e que está dirixido ós mozos empresarios co fin de fomentar a cultura emprendedora en Galicia e na provincia en particular. Con esta xuntanza multisectorial, AJE busca estimular o crecemento económico da provincia, a través do fomento das interrelacións empresariais tanto no colectivo de empresarios asociados como fóra da propia Asociacións. A xornada tamén permite ós empresarios ampliar os seus contactos con novos proveedores e clientes, conseguindo abrir novas vías de negocio. Deste xeito, Gómez Besteiro subliñou que “iniciativas coma esta permiten que xurdan novas ideas. En definitiva, estes encontros permiten ampliar experiencias. Isto ten que ser unha sinerxia”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
