Nota de Prensa
As tripulacións dispoñibles están por debaixo do acordado, non reciben a formación necesaria e carecen dos equipos axeitados para as misións que realizan
A XUNTA CONTINÚA INCUMPRINDO UNHA VINTENA ASPECTOS DIFERENTES DO CONTRATO COA EMPRESA DE HELICÓPTEROS QUE ATENDE O SALVAMENTO MARÍTIMO
* José Manuel Balseiro insiste en que Pesca continúa sen esixir o cumprimento do contrato en vigor entre a Xunta e a empresa que opera os helicópteros de salvamento marítimo e que aínda non aplicou unha soa das penalizacións previstas
Santiago, 12 de decembro de 2008.- A Consellería de Pesca da Xunta continúa incumprindo ata 23 puntos distintos do prego de prescricións técnicas particulares que rexe o contrato de operación técnica de vóo, subministración de repostos, mantemento e administración dos helicópteros do Servizo de Gardacostas de Galicia, segundo un reconto efectuado polo Grupo Parlamentario Popular.
O voceiro de Pesca do Grupo Popular, José Manuel Balseiro, denuncia que os incumprimentos abarcan aspectos de todo tipo, desde a escaseza das tripulacións dispoñibles ata a ausencia de equipos axeitados para o desenvolvemento das misións aéreas que lles son encomendadas.
Se ben o contrato determina a necesidade de colaborar co servizo de emerxencias médicas 061 para o transporte de feridos, enfermos e calquera tipo de accidentados, os helicópteros do Servizo de Gardacostas (Pesca I e Pesca II) non teñen probado as ancoraxes nin as tomas de corrente a utilizar para padiolas, incubadoras ou calquera outro aparataxe médico necesario para efectuar evacuacións. Tampouco foi elaborado o protocolo necesario para actuacións conxuntas que se podan prestar con servizos doutras Administracións ou corpos e forzas de seguridade, como no referido ao embarque de armas ou calquera tipo de munición a bordo das aeronaves; ni no que debería regular as competencias a asumir polo director técnico.
O PPdeG conclúe que o servizo de Gardacostas non está a ofrecer a formación necesaria ás tripulacións dos helicópteros, e proba diso é que non se lles ofrece o curso de escape de emerxencia en helicóptero emborcado na auga, que todo o persoal debería realizar cada 12 meses.
As carencias de persoal necesario para cubrir todas as quendas de traballo é outra das carencia do Servizo de Gardacostas. Só así se explica que o helicóptero Pesca II quedase estacionado en Alvedro ás poucas horas de se iniciar o dispositivo de busca dos náufragos do Cordero.
MATERIAL INSUFICIENTE
Outra das conclusións incide en que a roupa de vóo, e especialmente os traxes secos non son os apropiados para utilizar de xeito permanente, nin son novos como esixe o contrato. A tripulación carece do traxe de vóo antiexposición a augas frías que se poda poñer sobre a roupa habitual para axilizar a rapidez na resposta. Só existen catro cascos de vóo para todos os tripulantes, que tamén carecen de luvas de vóo e de espellos de sinais para casos de emerxencia.
As bases carecen, ao mesmo tempo, do casco de rescate “Alpha Rescuer” equipado con radio sumerxible, estipulado no contrato. Os nadadores de rescate tampouco dispoñen de traxe seco trilaminado para misións de rescate e protección ao frío
Canto aos períodos de descanso estipulados para as tripulacións, evidenciase que non existe ningún “descanso mínimo relevado de toda tarefa”, esixido pola Dirección Xeral de Aviación Civil para os membros das tripulacións das diferentes aeronaves. Tampouco se avalía, nin se retribúe segundo o convenio en vigor, o grao de coñecemento do idioma inglés.
Constátase que non se cumpre o apartado que indica que as tripulacións, persoal de mantemento e administrativo terán dedicación exclusiva, xa que a algúns traballadores se lle asignan tarefas diferentes ás propias dos postos que ocupan. Constan outras irregularidades administrativas, como o incumprimento da obriga de que a empresa achegue un escrito de aceptación por parte de todo o persoal que traballa no servizo aéreo do Gardacostas. Ao PPdeG cóntalle, ademais, que algúns dos manuais de operacións dos Gardacostas foron elaborados sen seguir as normas aeronáuticas da OACI (Organización de Aviación Civil Internacional).
Outras deficiencias consisten na ausencia de autorización da Dirección Xeral de Aviación Civil para operacións de emerxencia cos novos helicópteros e da programación trimestral do persoal de vóo e mantemento que debe ser esixida periodicamente pola Consellería de Pesca da Xunta.
O voceiro de Pesca dos populares galegos engade que malia a sucesión de anomalías que se están a rexistrar, incluíndo o incumprimento do tempo de resposta estipulado, a Xunta non está aplicar as penalizacións recollidas no contrato, A reiteración de algún deses incumprimentos podería provocar, incuso, a rescisión do contrato.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
