Nota de prensa
Sonia Verdes anuncia que rexistrou unha Proposición no Parlamento
OS SOCIALISTAS ESIXEN QUE CONTINÚE O PROCESO DE CONCENTRACIÓN PARCELARIA NO CONCELLO DE ALFOZ
-A portavoz de Medio Rural do Grupo Parlamentario Socialista Sonia Verdes denunciou que os gobernos Fraga non iniciaron o proceso de concentración que afectaba a este concello da Mariña Lucense de importante actividade gandeira e agraria
– Asegura que dende a chegada de Feijoo “paralizáronse tódalas actuacións, e nestes dous anos non se ten producido ningún avance do proceso, co consecuente prexuízo para os veciños e as veciñas da zona”
– Anunciou que mañá, xoves día 10 de febreiro, manterá unha xuntanza cons veciños de Alfoz afectados por este asunto. A reunión tamén asistirá o deputado do PSdeG-PSOE Ismael Rego e Manuel Martinez
Santiago de Compostela, 9 de febreiro de 2011. A portavoz de Medio Rural do Grupo Parlamentario Socialista Sonia Verdes anunciou hoxe que rexistrou unha Proposición na Cámara Autonómica, na que reclama continuar o proceso de concentración parcelaria de Val de Alfoz no concello de Alfoz ( Lugo) para o que se achegará a suficiente dotación, con cargo aos orzamentos para o ano 2011, co fin de rematar o proceso de concentración á maior brevidade respectando os prazos legais.
Ademais anunciou que mañá, xoves día 10 de febreiro, manterá unha xuntanza cons veciños de Alfoz afectados por este asunto. A reunión tamén asistirá o deputado do PSdeG-PSOE Ismael Rego e Manuel Martinez.
A voceira socialista lembra que no concello de Alfoz a Consellaría do Medio Rural ten iniciados dous procesos de concentración parcelaria, que afectan ás parroquias de Pereiro-Oirás e ao Val de Alfoz, sendo aprobado o decreto polo que se declaraba de utilidade pública e execución urxente, xa a finais dos anos 90.
A maiores denunciou que os gobernos Fraga non iniciaron o proceso de concentración que afectaba a este concello da Mariña Lucense de importante actividade gandeira e agraria. E lembrou que foi o anterior Goberno de Pérez Touriño o que impulsou definitivamente o proceso e comezou a execución das obras.
Asegura que dende a chegada de Feijoo “paralizáronse tódalas actuacións, e nestes dous anos non se ten producido ningún avance do proceso, co consecuente prexuízo para os veciños e as veciñas da zona”.
Replica que a Deputación Provincial de Lugo, co fin de colaborar coa Administración autonómica, comprometeu actuacións nunha serie de camiños de titularidade provincial, afectados pola concentración parcelaria do Val de Alfoz. Así as cousas relata que iniciou o expediente de cesión e incorporación de titularidade dos tramos de vías por mutuo acordo entre a Consellaría do Medio Rural e a Deputación Provincial de Lugo.
Denuncia que o convenio está pendente de ser asinado en breve, malia a deslealdade do Goberno da Xunta de Galicia, e do Grupo Popular no Parlamento de Galicia que está a utilizar o compromiso de colaboración amosado pola Deputación Provincial de Lugo para agochar a falta de compromiso do Goberno de Feijóo, e para continuar e rematar as obras que son compromiso da Administración autonómica.
Texto da PNL
O Parlamento de Galicia insta ao Goberno galego a continuar o proceso de concentración parcelaria de Val de Alfoz no concello de Alfoz ( Lugo) para o que se achegará a suficiente dotación, con cargo aos orzamentos para o ano 2011, co fin de rematar o proceso de concentración á maior brevidade respectando os prazos legais, tal que:
1.º) Se executen de xeito urxente as obras de acondicionamento na rede de vías e camiños de concentración parcelaria de Val de Alfoz, nos que ten compromisos a Administración autonómica e poidan estar rematadas no primeiro cuadrimestre deste ano
2.º) Se proceda a execución da totalidade das obras do Plan de obras da concentración parcelaria de Val de Alfoz, incluíndo todas as obras inherentes á concentración parcelaria, de saneamento de terras e acondicionamento das novas parcelas, e de ser o caso, outras obras anexas, antes do remate deste ano, a fin de proceder a entrega dos títulos de propiedade á maior brevidade posible.
3.º) Se resolvan as alegacións formuladas polos propietarios no primeiro trimestre do ano en curso.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
