Nota de prensa
Aspirantes de 37 Concellos realizan esta semana a 2ª proba do Plan Lugo Emprega
– Trátase das 900 persoas que superaron o exame tipo test. Os resultados definitivos e, por tanto, a cualificación final publicarase a última semana de febreiro tanto no taboleiro de anuncios como na páxina web: www.deputacionlugo.org
– O éxito da iniciativa que, pola súa contía non ten precedentes en Galicia e na historia da Deputación, queda de manifesto na avalancha de solicitantes rexistrada nos 66 municipios que se adheriron ó Plan, un total de 6.700
– Esta iniciativa inclúese dentro oferta de emprego que ten aberta a institución provincial e coa que dará traballo de xeito inmediato a unhas 1.400 persoas, o que supón un investimento de máis de 15 millóns de euros
A Deputación continúa co proceso de selección do Plan Lugo Emprega correspondente ós Concellos con menos de 5.000 habitantes ou con menos de 500 parados que decidiron sumarse á iniciativa impulsada polo organismo provincial –todos menos O Incio- para reducir o paro na provincia. Deste xeito, logo de concluír os exames, a Deputación iniciou esta semana a segunda e última proba, consistente nunha entrevista persoal, á que foron citados os aspirantes de 37 municipios que se atopan dentro deste grupo e que superaron o tipo test, en total 887 persoas.
O Lugo Emprega inclúese dentro oferta de emprego que nestes momentos ten aberta a institución que preside José Ramón Gómez Besteiro e coa que dará traballo de xeito inmediato a unhas 1.400 persoas, a través deste Plan e doutras iniciativas como o programa europeo Pacto Provincial polo Emprego -do que se beneficiarán 576 desempregados nas profesións con máis futuro en Lugo-, das prazas para bombeiros que comezarán a traballar nos parques o 1 de maio e das 120 persoas que traballarán nas 10 residencias e centros de día que construirá a Sociedade Urbanística Provincial (SUPLUSA) nunha decena de Concellos. En total, cos estas actuacións, a Deputación destina máis de 15 millóns de euros para a creación de traballo na provincia.
Ó igual que no test, a segunda proba do Lugo Emprega estase a desenvolver en distintos puntos da provincia para facilitar a participación. No día de hoxe, nos Salóns de Xuntas e de Plenos do Pazo de San Marcos, concurriron os aspirantes de Castro de Rei, Castroverde, O Corgo, Cospeito, Friol, Samos e Portomarín.
Mañá xoves, será a quenda dos aspirantes de Taboada, Palas de Rei, Monterroso, Carballedo e Antas de Ulla, quenes realizarán a entrevista na Aula Multimedia do Centro Sociocultural monterrosino. Asimesmo, no Salón de Plenos da Deputación están citados os de Rábade, Pol e Guntín. O día 14, no Salón de Plenos do Concello da Pontenova, comparecerán para facer a entrevista os demandantes de Trabada, Riotorto, Pontenova e Barreiros e, na Casa do Concello da Fonsagrada, os deste municipio e os de Negueira de Muñiz e Baleira. O luns e o martes desta semana, citáronse na Deputación ós de Begonte, Guitiriz, Outeiro de Rei e, no Salón de Plenos do Concello da Pastoriza, os deste municipio, Meira e Abadín. No Salón de Actos do Concello de Burela os de Mondoñedo, Lourenzá, Cervo, Alfoz e O Valadouro e, no de Viveiro, os de Xove, O Vicedo, Ourol e Muras. A vindeira semana, continuarán as entrevistas dos restantes municipios que se atopan dentro deste grupo.
Os resultados definitivos e, por tanto, a cualificación final publicarase a segunda semana de febreiro tanto no taboleiro de anuncios como na páxina web: www.deputacionlugo.org. Todas as persoas que resulten beneficiarias do Plan, co que o organismo provincial pretende frear o desemprego na provincia, comezarán a traballar como data límite, o día 1 de marzo nos respectivos Concellos, onde prestarán o seu servizo en labores de mantemento, conservación e mellora dos servizos públicos de carácter municipal.
Éxito do Plan: 6.700 solicitudes
Co Plan Lugo Emprega, 711 desempregados conseguirán traballo grazas a esta ambiciosa iniciativa durante 6 meses en 66 Concellos. No caso de Incio e logo de que o Alcalde rexeitase sumarse á iniciativa, o organismo provincial xa aprobou un plan específico para a contratación dos 7 parados previstos no plan inicial.
O éxito da iniciativa que, pola súa contía, non ten precedentes en Galicia e na historia da Deputación, queda de manifesto na avalancha de solicitantes rexistrada, máis de 2.400 nos municipios de menos de 5.000 habitantes e 4.300 nos municipios que superan esta cifra e os 500 parados: Viveiro, Foz, Burela, Ribadeo, Sarria, Monforte de Lemos, Chantada, Lugo e Vilalba. Neste caso, a selección depende directamente das entidades locais.
A Deputación financia con fondos propios o Plan, dotado con 8 millóns de euros, polo que non incrementa a débeda pública da institución. Deste xeito, o organismo provincial non só reduce o número de parados na provincia senón que incrementa a cooperación cos Concellos nun momento no que están a pasar unha delicada situación económica, o que provoca a redución na prestación de servizos ós cidadáns.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
