Nota de prensa:
CERVO APOSTA POLA PROMOCIÓN DO GALEGO COA INCLUSIÓN DO MUNICIPIO Á REDE DE DINAMIZACIÓN LINGÜÍSTICA
* Alfonso Villares adiantou que o Concello adherirase á Rede de Dinamización Lingüística despois de reunirse o pasado venres no consistorio co secretario xeral de Política Lingüística, Anxo Lorenzo, quen lle presentou este proxecto da Xunta de Galicia
Cervo, 7 de febreiro de 2011.- O secretario xeral de Política Lingüística, Anxo Lorenzo Suárez, visitou o pasado venres o concello de Cervo para presentarlle ao alcalde, Alfonso Villares, a Rede de Dinamización Lingüística que está a poñer en marcha a Xunta de Galicia e para proporlle que Cervo se adhira a ela.
Segundo indicou o rexedor, na xuntanza o responsable de Política Lingüística explicoulle que dita rede nace coa finalidade de promover a coordinación das actuacións en materia de dinamización lingüística, de optimizar os recursos e de aumentar a efectividade das mesmas dende o ámbito municipal. Deste xeito, os concellos poderán participar activamente nos programas da rede e, polo tanto, contarán con actividades que se programen desde ela, sen prexuízo das que promovan por iniciativa propia. Así mesmo, daráselles unha visibilidade global ás actividades, de maneira que a súa actuación logrará unha repercusión para toda Galicia.
Favorecer o fomento do uso do galego desde o ámbito local
Ao fío disto Alfonso Villares adiantou que o Concello de Cervo iniciará os trámites para a súa adhesión a esta iniciativa e incidiu na importancia de que as administracións local e autonómica unan esforzos a prol dun obxectivo común: promover as accións de difusión social do uso do galego. Con este fin, “a Rede de Dinamización Lingüística preséntase como o mellor escenario para acometer esta tarefa conxunta”, asegurou. Villares dixo tamén que no Concello de Cervo son conscientes de que as entidades locais de Galicia desenvolven unha importante labor como axentes sociais da dinamización da lingua galega, por seren as entidades máis próximas á cidadanía “e por ese mesmo motivo entendimos dun xeito favorable esta proposta que se nos fixo dende a Xunta de Galicia” recalcou.
A Rede de Dinamización Lingüística é unha asociación voluntaria de entidades con competencia na promoción da lingua galega, promovida pola Secretaría Xeral de Política Lingüística da Xunta de Galicia. Trátase dunha iniciativa que busca favorecer a colaboración, a coordinación e as accións de fomento do uso do galego desde o ámbito local.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
