Nota de prensa
AS CRÍTICAS DE MÉNDEZ SOBRE A RESIDENCIA E A PRAZA DOS CAMPOS REFLICTEN O GRAO DE DESINFORMACIÓN DOS SOCIALISTAS
*
A concelleira de Asuntos Sociais lembralle á voceira socialista que a nova Residencia e Centro de Día terá o dobre de superficie que as dependencias educativas do antigo colexio Rivera Casás
Cervo, 5 de febreiro de 2011.- Para a concelleira de Asuntos Sociais do Concello de Cervo, Pilar Armada, as criticas da voceira socialista, Lara Méndez, en torno ás obras da residencia de maiores e da praza dos Campos de San Ciprián “fan gala do seu grao de ignorancia e de desinformación ao que xa nos teñen acostumados os socialistas cando fan declaracións públicas criticando a labor do equipo de Goberno”.
En opinión de Armada, se a voceira socialista e vicepresidenta segunda da Deputación acudira onte ó acto da colocación da primeira pedra desta nova infraestrutura “escoitaría unha vez máis da boca do noso alcalde cales foron as razóns que nos moveron para elixir esta ubicación” indicou.
“Se ela estivera alí presente, podería escoitar que a futura superficie construída deste ambicioso proxecto -con capacidade para 53 residentes e 25 de Centro de Día- será o dobre da que se dispoñía nas dependencias educativas do antigo colexio Rivera Casás. Con esas declaracións parece coma se preferiran [os socialistas] ter unha residencia a metade de grande que a que se vai facer finalmente” recalcou a edil do grupo de Goberno cervense.
Armada Carrete rexeitou tamén as criticas de Méndez polo atraso do inicio das obras da residencia. “Se se refire a que nos catro anos do bipartito os responsables na Xunta non fixeron nada para que Cervo tivera unha residencia de maiores, estou de acordo con ela. O que está claro é que en apenas dous anos de Goberno do Partido Popular na Xunta non só conseguimos o compromiso do Goberno autonómico para facer unha residencia destas características; se non que logramos que as obras estean xa en marcha, algo impensable na época na que eles gobernaban” indicou.
Para que serve unha praza
Sobre as criticas de celeridade nos traballos na Praza dos Campos, Armada amosouse indiferente: “Non me estraña que digan iso. En certo modo é hasta normal porque eles [os socialistas] foron sempre especialistas en paralizar obras en Cervo cando gobernaron no bipartito. Así foi o que aconteceu co pavillón de Galdín, e agora, o que pasa é que non poden soportar que no concello se fagan cousas grazas á boa xestión do Grupo de Goberno e coa estreita colaboración da Xunta de Galicia” recalcou a responsable da área de Asuntos Sociais.
Por último, a concelleira popular tamén se referiu ás declaracións de Lara Méndez poñendo en dúbida a funcionalidade da Praza dos Campos. “Que unha concelleira e vicepresidenta dunha institución pública diga abertamente descoñecer cal é a función dunha praza pública reflicte claramente o seu grao de coñecemento e de interese polos temas da veciñanza. Se a señora Méndez di non saber para que vai servir a Praza dos Campos non é máis que pola súa deixadez e ignorancia; posto que ten acceso ao expediente deste proxecto. Outra cousa é que realmente teña interese en informarse” sinalou Armada.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
