Nota de prensa
ISAAC DÍAZ PARDO SERÁ NOMEADO FILLO ADOPTIVO O VINDEIRO 25 DE FEBREIRO NUN PLENO EXTRAORDINARIO
* O Concello fai un chamamento invitando a todas aquelas persoas, entidades, asociacións e colectivos da comarca, Galicia e resto de España para que se adhiran a esta homenaxe de xeito oficial.
* Os que desexen facelo poden dirixir un telegrama ao Concello de Cervo ou escribir un mail ao seguinte correo electrónico: secretaria.de.alcaldia@concellodecervo.com
Cervo, 5 de febreiro de 2011.- O alcalde de Cervo confirmou hoxe a celebración o vindeiro venres, 25 de febreiro, dun Pleno Extraordinario de Honra para celebrar o acto de nomeamento de fillo adoptivo do Concello de Cervo ao intelectual Isaac Díaz Pardo.
Segundo indicou o rexedor, a data elixida foi consensuada co propio homenaxeado. “Mantivemos varias conversas telefónicas e ao final elixiuse o día 25 porque era a data que mellor lle viña ao señor Díaz Pardo”. Villares sinalou tamén que, ao marxe da cerimonia oficial, o acto do vindeiro día 25 pretende ser “a materialización do recoñecemento público de tódolos veciños e veciñas do concello a un persoeiro que forma parte da historia viva de Cervo e que foi protagonista directo dos cambios e logros acadados por este municipio no último século”.
Adhesións
Villares fixo un chamamento invitando a todas aquelas persoas, entidades, asociacións e colectivos galegos, mariñáns e do resto do Estado para que se adhiran a esta homenaxe de xeito oficial. Os que así desexen facelo poden dirixir un telegrama ao Concello de Cervo ou escribir un mail ao seguinte correo electrónico: secretaria.de.alcaldia@concellodecervo.com adheríndose ao homenaxe facendo constar o nome completo (no caso de facelo de xeito individual) ou o nome da asociación, institución ou colectivo. “Confiamos en que sexan moitas as persoas, colectivos, asociacións e institucións as que manden a súa comunicación de adhesión a este nomeamento, porque será unha forma de transmitirlle o noso cariño e respecto a Don Isaac Díaz Pardo” recalcou o alcalde.
O proceso para nomear a Díaz Pardo fillo adoptivo arrincou a finais do 2009, coa entrada en vigor do regulamento especial de honras e distincións municipal. A partir desa data comezouse a elaborar a documentación do expediente para a concesión do devandito galardón.
En maio pasado esta documentación foi posta a disposición dos distintos colectivos e asociacións do municipio para que fixeran achegas ou emendas ao seu contido. Finalmente, e tralo apoio das asociacións asistentes a esta reunión (“Aventados”, “Mulleres de San Ciprián”, “CIT-San Ciprián”, Anpa Cervo Nº1, Asociación de Veciños de Cervo-Sargadelos, Club Deportivo San Ciprián, Asociación Cultural “A Sombriza”, Amas de casa “Alborada”, Asociación “Mar de San Ciprián”, Asociación de Vecinos de Lieiro e Asociación de Montes de Lieiro) o 25 de xuño pasado acordouse nunha sesión plenaria nomear a Francisco Rivera Casás e Isaac Díaz Pardo como fillos adoptivos do Concello de Cervo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
