Nota de prensa:
A Deputación executará 11 obras por valor de 2 M€ coas que dá traballo a máis de 300 persoas na provincia
– A Xunta de goberno aprobou a contratación destas actuacións que se levarán a cabo nos Concellos de Becerreá, Carballedo, Fonsagrada, Burela e Monforte
– Antonio Gato subliña que, ante a ausencia de políticas activas de emprego da administración autonómica, a Deputación está suplindo á Xunta, “xa que daremos traballo de forma inmediata a máis de 1.400 persoas coa oferta laboral que temos aberta nestes momentos”
– O organismo provincial presentará o vindeiro xoves o Sistema de Información Xeográfica, creado no marco do programa Lug02, e que será “google medioambiental da provincia”
A Xunta de Goberno da Deputación aprobou este venres a contratación de 11 novas obras en 5 Concellos por valor de 2 millóns de euros coas que non só seguirá aumentando a obra pública na provincia, concretamente nos municipios de Becerreá, Carballedo, Fonsagrada, Burela e Monforte de Lemos, senón que contribuirá a manter os postos de traballo existentes na provincia e, por tanto, a reducir o paro. O voceiro provincial socialista, Antonio Gato Soengas, subliñou que só coas actuacións que hoxe estanse mantendo 330 postos de traballo, xa que en cada actuación están traballando unha media de 30 persoas”. Neste senso, Antonio Gato explicou que o organismo provincial está suplindo claramente á Xunta de Galicia, a administración que ten claras competencias na materia, “xa que Feijóo non está a investir nada na provincia, de aí o aumento do paro. A administración autonómica está ausente neste asunto”.
A este respecto, o voceiro provincial socialista fixo referencia ós últimos datos sobre o paro, que revelan que Galicia destruíu máis emprego que o resto do Estado por quinto mes consecutivo, de tal xeito que ningunha outra Comunidade española presenta uns datos tan negativos no seu respectivo mercado laboral. Asimesmo, Lugo pechou a anualidade pasada cun incremento do desemprego de máis do 10%. “Pola contra, dende a Deputación estamos a realizar un esforzo neste eido. En total, daremos traballo de forma inmediata a máis de 1.400 persoas coa oferta de emprego que temos aberta nestes momentos, a través de Plans como Lugo Emprega, o Pacto Provincial polo Emprego, a convocatoria do persoal que comezará a traballar o 1 de maio nos parques de bombeiros, e as máis de 120 persoas que traballarán nas residencias da terceira idade e nos centros de día que construirá SUPLUSA en dez Concellos”. En total, con estas actuacións o organismo provincial destina máis de 15 millóns de euros á creación de traballo na provincia.
As obras que se contrataron son as seguintes: dentro dos convenios do Fondo Complementario do Plan Extraordinario de Obra Pública, inclúense as de Becerreá, que suman 1 millón de euros (acondicionamento de vías municipais; construción do campo de tiro; e acondicionamento e dotación de servizos nas rúas Samuel e Barrancón); en Burela: a mellora do alumeado público e dotación de mobiliario urbano nas rúas Rosalía de Castro, Emilia Pardo Bazán, Praza da Mariña, Manuel Murguía e na Avenida Arcadio Pardiñas por valor de 597.502 euros; e, en Monforte de Lemos: a mellora de infraestruturas viarias, urbanas e rurais e rehabilitación da antiga escola da Penela para centro sociocultural, e acondicionamento das igrexas de Marcelle e Piñeira e mellora de varias infraestruturas viárias. Neste caso, o importe é de 350.924 euros.
Dentro do Canon, acometerase a rexeneración de dúas estradas de Carballedo, que teñen un orzamento de 154.311 euros: a que vai de Vila por Carto e Morgade a Outeiro, e a que enlaza Cambillán con Airoa. Con cargo a este Plan, en Fonsagrada, executarase o acondicionamento do acceso a Cabanas por valor de 90.586 euros.
“O Google medioambiental da provincia”
Fóra da Orde do Día aprobouse a ampliación do Sistema de Información Xeográfica (SIX) que a Deputación presentará o próximo xoves 16 de febreiro no Centro de Interpretación Terras do Miño; acto ó que están convidados todos os centros hostaleiros da provincia, casas de turismo rural, etc.
Esta iniciativa, que “será o Google medioambiental da provincia”, creouse no marco do Lug02; o programa europeo dotado con 5 millóns de euros e co que o organismo provincial demostrou que o medio ambiente é a oportunidade económica da provincia. “Xa temos comprometido o 98% do orzamento total, de xeito que o grado de execución é altísimo. Precisamente, o Ministerio de Medio Ambiente vén de felicitarnos pola xestión levada a cabo ata o momento”.
A través do SIX, a Deputación porá a disposición dos cidadáns un portal web informativo e multimedia de todos os recursos de interese existentes nas tres Reservas da Biosfera (Terras do Miño, Ancares e Río Eo-Oscos-Terras de Burón) e Courel. Este Sistema inclúe información territorial que poderá descargarse en dispositivos móbiles (tipo PDA, XPS ou teléfono móbil) para que o turista ou os veciños poidan consultala en calquera punto. Proporcionará información ambiental e cultural como rutas de sendeirismo, ciclismo, establecementos hostaleiros, meteoroloxía, eventos festivos, etc. Realizarase, como mínimo, en castelán, galego, inglés e portugués dada a tipoloxía dos visitantes que elixen a nosa provincia como lugar de destino turístico. Segundo datos do Instituto Galego de Estadística, aparte de Galicia, a maioría proceden de: España, Alemaña, Francia, Portugal, Reino Unido. Ademais coa ampliación, incluirá os seguintes datos: feiras de toda a provincia; adegas e recursos enolóxicos; poboación clasificada segundo datos do INE; datos económicos por Concellos segundo datos da Deputación e do Instituto Nacional de Estatística; investimentos, gastos e obras desenvolvidas pola Deputación clasificados por capítulos e Concellos; ou datos e ubicacións de servizos específicos do organismo provincial distribuídos pola provincia, como o servizo de bombeiros, recadación, etc. Tamén se ampliará a cartografía coa inclusión das 127 rutas de Km0.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
