Nota de prensa:
Once Concellos estrean a Administración Electrónica grazas á Deputación
– Os veciños poden facer inicialmente 30 trámites vía Internet pero o programa Innova-TE prevé 50 máis antes de xullo, o que supón un importante aforro de diñeiro e tempo
– Sete dos municipios activaron tamén hoxe unha nova web, modernizadas grazas ó programa tecnolóxico do organismo provincial
– Besteiro anuncia que en marzo a Deputación comezará a entregar equipos informáticos ós Concellos máis implicados na administración electrónica
O Presidente da Deputación de Lugo -José Ramón Gómez Besteiro- presentou este mércores a posta en marcha da Administración Electrónica en once concellos da provincia, o primeiro grupo dos 51 municipios adheridos ó programa tecnolóxico Innova-TE en activar este servizo, que permitirá unha relación máis fluída cos cidadáns, ademais dun importante aforro de diñeiro e tempo. Ademais de Chantada, onde participou no acto o Alcalde -Manuel Anxo Taboada-, a e-Administración comezou hoxe a funcionar en: Becerreá, Burela, Portomarín, Sober, A Pastoriza, Abadín, Foz, A Pobra do Brollón, Sarria e Vilalba, “municipios de diferentes cores políticas, o que dá conta do carácter integrador deste programa”, subliñou Besteiro. Neste senso, destacou que “dito rapidamente, máis dun cento de cousas que había que facer no Concello, xa se están podendo facer a través da Rede co Innova-TE”.
Inicialmente, a cidadanía xa pode facer 30 trámites con estas entidades locais, como darse de alta no servizo de subministro de auga e sumidoiros, facer unha reserva de cita para voda civil no Concello ou inscribirse no rexistro de parellas de feito, anotarse nunha bolsa de traballo, eventos, solicitar a inscrición no padrón municipal, facer avisos, queixas e suxerencias ou mesmo realizar diversos tipos de consulta, como, por exemplo, do censo electoral, ordenanzas, bandos ou actas plenarias, entre outras.
O máximo mandatario provincial agradeceu o traballo dos funcionarios de Chantada presentes no acto, “xa que isto non funciona só porque poñamos medios técnicos, sen a alianza dos empregados públicos non tería sentido. A crise estámola pasando todos. Hai cousas que non se poden deixar de facer e a extensión da banda longa é unha delas. A Xunta ten que cumprir a súa obrigación”. Pola súa banda, o Alcalde sinalou que “hoxe chegou Internet a todas as parroquias. Temos dúas empresas dando este servizo a todo o municipio, sobre todo, á zona rural onde tiñamos deficiencias. Grazas á Deputación por axudar a adaptarnos á nova forma de traballar”.
Ó longo das vindeiras semanas a Deputación porá en marcha a Administración Electrónica nos restantes 40 Concellos incluídos no programa Innova-TE. Do mesmo xeito, activará de forma progresiva o resto de procedementos administrativos ata chegar ós 80 previstos coas entidades locais no programa da Deputación.
Para activar a e-Administración, os concellos tiveron que dotarse previamente de sede electrónica, aprobando a correspondente ordenanza –que lles facilitou a Deputación-, co obxectivo de dar validez legal ós trámites que os cidadáns poden realizar por vía telemática. Os procedementos a través da Rede son totalmente seguros e a información do organismo provincial e dos municipios está aloxada no Centro de Procesamento de Datos, construído na planta baixa da Deputación e controlado informaticamente 24 horas para evitar ataques informáticos. O programa Innova-TE, dotado con 9 millóns de euros e financiado nun 70% por fondos europeos e nun 30% polo INLUDES, supón un importante aforro para os municipios, pois se tiveran que asumir con fondos propios a implantación da e-Administración, obrigada por Lei, o gasto non sería nunca inferior ós 300.000 euros.
Webs modernas e máis accesibles
Ademais de poñer a disposición dos veciños a posibilidade de facer trámites vía Internet, o programa Innova-TE permite ós Concellos adheridos renovar a súa páxina web, mellorando a súa accesibilidade e facendo que a navegación resulte máis sinxela e intuitiva para o usuario. Dentro deste primeiro grupo de 11 municipios nos que entrou en funcionamento a e-Administración, 7 deles estrearon hoxe tamén portal: Chantada, A Pastoriza, Becerreá, Burela, A Pobra do Brollón, Portomarín e Sober.
En total foron 34 as entidades locais que solicitaron esta opción. Deste xeito, aparte dos 7 presentados hoxe, o equipo de Innova-TE renovará o deseño das web doutros 27 concellos, dos que 19 están ultimados e activaranse en breve.
Equipos informáticos para os avanzados
O Presidente da Deputación anunciou no acto celebrado en Chantada que os alcaldes das 51 localidades que se sumaron ó Innova-TE están recibindo estes días unha carta na que se lles informa polo miúdo de todos os pasos dados no marco deste programa tecnolóxico e as actuacións que restan ata a súa conclusión en xuño, data para que está prevista a total implantación da Administración Electrónica na provincia. Neste senso, o próximo paso do goberno provincial será a entrega de equipos informáticos ós municipios que están demostrando unha maior implicación no desenvolvemento da iniciativa. O reparto comezará no mes de marzo.
Máis trámites on line coa Deputación
Gómez Besteiro tamén deu a coñecer máis novidades en relación á cantidade de procedementos administrativos on line que será posible facer co organismo provincial. Deste xeito, aínda que nun principio estaban previstos 40, finalmente activaranse 68, o cal eleva a 147 o número total de trámites que se poderán realizar, entre os da Deputación e os Concellos.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
