Organizada por diversos colectivos da Mariña celebrouse o pasado domingo en Foz unha homenaxe a Alfonso R. Castelao co gallo do 125 aniversario do seu nacemento. Non temos noticia de que nalgunha ocasión éste visitara a nosa vila, pero sí que polos anos sesenta do século pasado residiu nela un ilustre xornalista, escritor e político republicano, contemporáneo, veciño e amigo del: don Ramón Fernández Mato. Castelao nacera en Rianxo en 1886 e en 1889 Mato, en Boiro, ambos na ría de Arousa. Coincidiron cursando Medicina en Santiago, os dous foron membros da Tuna Universitaria na que o rianxeiro tocaba a guitarra e da que o boirense era Presidente; ambos remataron as carreiras pero nengún a exerceo. Na súa estadía focega este cronista, a quen don Ramón dispensaba garimosa amizade que durou ata o seu pasamento en 1980, díxolle: “ O seu amigo Castelao dixo que se fixera médico por amor a seu pai, e que non exercera por amor á Humanidade, e vostede?”. “A mín traicionoume o apelido, respostou: ¿qué futuro agarda a un médico que anuncia na porta da súa consulta: “Mato, de 5 a 9”? Don Ramón, home de singular personalidade, culto, de exquisita cortesía e simpatía, de atractiva presencia física, aínda na vellez coa que chegou a Foz, casara no Valadouro cunha moza guapa e rica. Ó estalar a guerra civil do 36, era Director Xeral de Seguridade. Fuxiu a América e cando no ano 1964 voltou, fixou a residencia en Foz. Aquí permaneceo varios anos e en artígos de prensa e en poemas cantóu a beleza da bisbarra e participou en eventos culturais; orador de extraordinarias facultades – así o destaca Castelao nunha magnífica caricatura – coa súa nutrida biblioteca viaxaba un auténtico museo de galardóns, distincións, recoñecementos de institucións e recordos de amigos e amigas do mundo das letras, do teatro, do xornalismo.. Nun debuxo do rianxeiro no seu poder, un home adulto, ante un mozo que se esforza cun libro diante, dille: “Non estudes, rapaz. Métete a político e poderás chegar a ministro de Instrucción Pública”. Sempre o inxenio e a ironía de Castelao…
Suso Fernández
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
