Nota de prensa:
ALFREDO LLANO INICIARÁ A VINDEIRA SEMANA UNHA ROLDA DE CONTACTOS CO SECTOR PESQUEIRO PARA ESIXIRLLE Á XUNTA A REANUDACIÓN URXENTE DAS OBRAS DE ACCESO AO PORTO.
Burela, 28 de xaneiro de 2011. O alcalde, Alfredo Llano, iniciará a vindeira semana unha rolda de contactos co sector pesqueiro para esixirlle á Xunta, entre todos, a reanudación urxente das obras de acceso ao porto.
O rexedor dixo que “onte no pleno decidíuse por unanimidade solicitarlle á Xunta que comece as obras de xeito inmediato, isto non será tan rápido porque si quixesen facelo non terían parado a obra, dotaríana de presuposto e de medios para que a empresa que estaba antes seguise a traballar. Tal e como están as cousas agora mesmo a Xunta ten que voltar a darlle aporte económico e volver a licitar, un proceso que irá para largo, salvo que se realice con carácter de urxencia”.
Llano anunciou que “a vindeira semana vou manter encontros con representantes da cofraría de pescadores, de Absa e de empresas que están ubicadas alí no porto para, entre todos, esixirlle á Xunta que reanude as obras tan importantes e singulares para o noso concello”. O alcalde de Burela advertiu esta mañá que “si agora está perimetrada e pechada dalgún xeito, vou facer fincapé nunha cousa, nas últimas riadas que sofrimos en xuño pasado houbo unhs desbordamentos e barrancadas de lodos e terra, que si non se continúa con estes traballos pode ocasionar graves problemas. Hai que lembrar que a vía de Feve pasa moi cerca”.
O rexedor non entende “porque razón decidiron levar os cartos para outro lado, non pode ser que tiren para atrás estas iniciativas e insiste en que “a vindeira semana levarei adiante esas xuntanzas e si é necesario iremos á Xunta para dicir que queremos esa obra xa”.
Selección de persoal
O alcalde de Burela rexeitou nesta xornada as acusacións de supostas irregularidades no proceso de selección para cubrir con carácter temporal unha praza de administrativo no Concello. Alfredo Llano manifestou que “dito proceso se fixo cunha responsabilidade total, pero houbo alguén desde o primeiro día que tivo a intención de deslexitimalo. Empezaron tiraron octavillas preto do Concello argumentando que esa praza ía ser para unha persoa determinada, que o tribunal era corrupto e que o alcalde era un consentidor”. O rexedor de Burela considera que “todo foi programado, aproveitando o exame para molestar o máximo posible ao goberno que está agora no Concello. É tal a baixeza moral desta xente que é triste”.
Llano relatou que “unha vez tiradas as octavillas, xa sabíamos que ían acudir aos medios de comunicación para sembrar as dúbidas oportunas, tentaron deslexitimar ao propio tribunal, á persoa que eles dicían que ían aprobar e dicíndome a min que eu era un consentidor. O proceso selectivo conta cunhas bases onde se explica que é o que teñen que facer e se non están de acordo con él teñen os seus camiños para protestar e reclamar. Iso non se fixo de momento”.
Ao alcalde chamóulle a atención que “onte o PP chegase ao pleno celebrado no Concello pedíndome que explique as irregularidades que se levaron adiante nese proceso de selección de persoal. Din con certeza que houbo irregularidades cando, de momento, ninguén denunciou nin se demostrou tal cousa. Isto demostra que todo estaba preparado e que aproveitaron este proceso co propósito de atacar ao equipo de goberno. É unha baixeza e unha irresponsabilidade do PP entrar neste tipo de argumentación, o único que pretendían era minar ao bipartito con estes métodos. Fíxense na calidade dos políticos que pretenden ser equipo de goberno nas próximas eleccións”.
O Concello investigará “quen lanzou as octavillas e unha vez identificadas esas persoas terán que explicar porqué fixeron estas cousas. Todo foi feito con moi mala intención e cunha baixeza moral total. O que queira protestar e dicir algo ten os mecanismos necesarios para facelo. Non se pode chegar a caer nestes niveis tan baixos, a calidade moral destas persoas espanta e tira para atrás a calquera”.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
