Nota de prensa
OS LARANXAS BUSCARÁN OS TRES PUNTOS ANTE UN COMPROMETIDO JAÉN
O Burela FS poñerá rumbo esta noite a terras andaluzas na busca dos tres puntos da vixésimo segunda xornada de Prata. O sábado, a partir das 17.30 horas, os laranxas mediranse ao Fuconsa Jaén FS, comprometido polos postos de descenso.
O municipal de La Salobreja acollerá unha cita de extremos. Fronte á zona de play off dos mariñáns, os xienenses non conseguen fuxir do perigo de Primeira Nacional A; ocupan a décimo sexta posición, empatados a 14 puntos co antepenúltimo e penúltimo, Extremadura Cáceres 2016 e Restaurante Frontera Tobarra, e xa gozaron da xornada de descanso. Os mellores resultados do Fuconsa obtéñenos na casa, aínda que con rivais da metade baixa da táboa; dos 10 encontros disputados ata agora, fixéronse con 3 vitorias (Melilla 2-1, Tobarra 3-2 e Cáceres 9-3) e 1 empate (Albacete 3-3).
O vestiario mariñán afronta unha cita complicada. Xunto ás ausencias de Juanma e Adri Gaona, serán dúbida Manuel, por un golpe ante o Puerto Celeiro na Liga Nacional Xuvenil, e Víctor Cachón, cunha contractura de isquiotibiais. Entrarán na convocatoria os xuvenís Boris Baltar e Carlos Valle.
Os pupilos de Suso Rey deberán sobrepoñerse ante as baixas e non deixar escapar unha vitoria que lles pode alixeirar a presión da súa actual quinta praza (35 puntos). Esta xornada depara un combate entre as forzas da zona alta co duelo entre sexto e sétimo, ElPozo Murcia (35) e Arcebansa Zamora (34), que asfixian os laranxas, e oitavo e segundo, BP Andorra (33) e OPDE Ribera Navarra (43).
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
