Nota de prensa:
Besteiro despide no aeroporto ós beneficiarios das primeiras becas Lug02 que parten a Europa
– 18 xóvenes lucenses realizarán prácticas durante 4 meses en prestixiosas empresas de Hamburgo, Praga, Belfast, Florencia, Viena e Lisboa nas que se empregan innovadoras técnicas medioambientais
– Logo, durante 8 meses, porán en práctica os coñecementos adquiridos en firmas lucenses nas que recibirán 1.000 euros ó mes. Posteriormente, poderán facelo como emprendedores
– Con esta iniciativa, a Deputación favorece a creación de novos postos de traballo e oportunidades económicas, ademais de combater o despoboamento demográfico no rural, ofrecendo ós novos profesionais formación especializa moi práctica na provincia
O Presidente da Deputación, José Ramón Gómez Besteiro, despediu este venres no aeroporto coruñés de Alvedro ós xóvenes beneficiarios das primeiras becas Lug02 que partiron ás 6 cidades europeas nas que, durante 4 meses, adquirirán experiencia profesional especializada a custe cero. O organismo provincial asume todos os custes: viaxes de ida e volta, aloxamento, manutención, así como os gastos dos organismo de acollida na cidade de destino. Dos 18 titulados lucenses que participan nesta iniciativa, 9 saíron esta mañá de Alvedro con destino a Florencia, Belfast e Viena, mentres outros 5 partiron do aeroporto compostelán de Lavacolla cara a Praga e Hamburgo. Os 4 restantes farano mañá dende A Coruña a Lisboa. Gómez Besteiro destacou que “traballarán en empresas punteiras, e logo volverán con novos coñecementos aprendidos que porán a disposición da provincia. En época de crise hai que investir na formación na formación relacionada co medioambiente porque é a nosa oportunidade económica”.
Durante as dúas primeiras semanas de estancia, os bolseiros recibirán un curso de inglés co fin de adquirir maior fluidez no uso do idioma, ó tempo que realizarán varias entrevistas de traballo para seguidamente, comezar coas prácticas durante 14 semanas na entidade que máis se axeito ó seu perfil académico. Asimesmo, terán a oportunidade de asistir a diversas actividades culturais para familiarizarse coa cidade. En todo momento, contarán co asesoramento da Deputación.
Oportunidades económicas
Estas primeiras becas enmárcanse dentro do programa Lug02, dotado de 5 millóns de euros -cofinanciado nun 70% con fondos da Unión Europea e nun 30% polo organismo provincial-, posto en marcha dentro da aposta polo medioambiente, “a nosa oportunidade económica”, co obxectivo de xerar riqueza na provincia mediante a posta en valor das 3 Reservas da Biosfera e O Courel.
Esta iniciativa, que conta cun presuposto de 950.000 euros, busca crear novos postos de traballo e oportunidades económicas, ó tempo que facer fronte ó despoboamento demográfico que sufre a provincia, ofrecendo os novos profesionais lucenses unha formación especializada en materia medioambiental moi práctica no mercado laboral da provincia. Deste xeito, todos os beneficiados son mozos de Lugo titulados dende o 2007 en enxeñerías, licenciaturas ou diplomaturas relacionadas coa economía verde, tales como Ciencias Ambientais, Ciencias do Mar, Bioloxía, Industriais, Agrónomos, Química, Minas ou Turismo.
Da mesma forma, logo do período de prácticas nas empresas de Europa con maior proxección nas que se están empregando innovadoras técnicas medioambientais, durante 8 meses, terán a oportunidade de pór en práctica os coñecementos adquiridos como bolseiros en entidades das 3 Reservas da Biosfera e O Courel nas que a maiores, recibirán 1.000 euros ó mes. Posteriormente, poderán facelo como emprendedores nunha provincia 100% medioambiental, onde o 55% da súa superficie é Reserva da Biosfera avalada pola UNESCO, e que conta con máis de 100 quilómetros de costa e con 800 quilómetros de Camiños de peregrinación.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
