Nota de prensa
O BURELA FS ESTREA 2011 NA BOMBONEIRA FRONTE AO UMA ANTEQUERA (17.00 HORAS)
Nunha xornada festiva para o fútbol sala, o Burela FS estrea este sábado o ano na bomboneira fronte ao UMA Antequera, décimo terceiro clasificado de Prata. O encontro, programado para as 17.00 horas, contará cun espectador de excepción entre a afección burelista, o seleccionador nacional, José Venancio López, mestre de cerimonias do I Encontro do Deporte Base na Mariña organizado pola entidade laranxa.
Na vixésimo primeira xornada, os pupilos de Suso Rey farán fronte en Vista Alegre a un rival de contrastes, que perde fol lonxe da súa pista. A coraxe malagueña da que xa foron vítimas os mariñáns na primeira volta (6-4) esvaece co rol de visitante; de nove partidos fóra de Antequera, foi capaz de facerse con algún punto en catro ocasións, coa vitoria en Eivissa (4-5) e os empates do Albacete 2010 (3-3), Restaurante Frontera Tobarra (4-4) e Extremadura Cáceres 2016 (5-5). Aínda así, o cadro mariñán debe ser cauto, posto que os andaluces veñen de demostrar a súa temperanza ante un dos conxuntos máis firmes da categoría, o OPDE Ribera Navarra (segundo clasificado), co empate 6-6 da semana pasada.
O obxectivo do Burela FS para esta cita céntrase na defensa da súa actual quinta praza (34 puntos), posta en perigo polo ElPozo Murcia, que empatado a puntos cos laranxas visita a cancha do décimo cuarto, Space Gasifred; e o Arcebansa Zamora, que recibe o penúltimo, Tobarra, dende a oitava praza (31). O sétimo, BP Andorra (33), descansará esta semana.
Juanma, cun desgarro muscular no xeonllo, poderá volver ás pistas nun mes se a recuperación evoluciona segundo o previsto. Á ausencia do capitán, súmase a de Adri Gaona; o gaditano estará afastado algunhas semanas da Mariña tras o permiso concedido polo club para viaxar á súa terra por motivos de índole persoal.
Carnés 2011. Recordámoslles aos socios/as do CD Burela FS que só poderán acceder ao encontro laranxa cos carnés de 2011, dispoñibles xa nas oficinas do club (avenida Arcadio Pardiñas, número 97, entresollado), con horario de atención entre as 10.00-14.00 e as 16.00-20.00 horas, de luns a venres.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
