Nota de prensa
Os nacionalistas volverán a colocar a Placa destruida no mes de agosto.
O BNG homenajea o sábado 27 ás 17:00 h aos represaliados do Vicedo.
O Bloque Nacionalista Galego organiza o Sabado 22 ás 17:00 h no Mirador de San Román do Val unha Homenaxe aos represaliados de Viñedo que terá continuidade unha hora despois cunha charla coloquio sobre a Republica e a represión no Viñedo a celebrar no centro cívico no que participaran diferentes estudosos sobre ese periodo no Concello.
Os nacionalistas pretenden con este acto no que farán uso da palabra Susana Riveira (Portavoz Local do BNG) e Antonio Veiga (Responsábel-Comarcal do BNG) restituir a memoria dos represaliados e nomeadamente volver a colocar a Placa destruido aos poucos días da súa colocación. No acto volverase a colocar unha placa en lembranza dos represaliados de Vicedo, sob o lema de ” Na memoria dos demócratas e dos republicanos do Vicedo”.
Segundo os nacionalistas este acto que celebramos en Vicedo pretende ser un acto de desagravio para todos aqueles que loitaron pola democracia pero tamén un exercicio contra a desmemoria desde a consideración que non pode haber reconciliación desde o esquecemento . A convocatoria do Sábado acada unha significación especial pola agresión da que volveu a ser victima a memoria dos represaliados do Vicedo coa destrucción da Placa colocada en Agosto e que demostra que a mesma intolerancia característica dos reaccionarios que provocaron aquela masacre do 36 segue presente nos seus herdeiros ideológicos. .
O BNG no seu acto do Sábado vai homenaxear ao conxunto dos represaliados do Vicedo así como aqueles militantes da Guerrilla Anti-Franquista da zona de Ferrol e da Mariña que abandonaron Galiza rumo ao exilio francés no barco “Santa Teresa” en decembro de 1946 cunha expedición que partiu da propia Praia da Abrela e que rematou en Baiona.
Os guerrilleiros que abandonaron Galiza desde a praia de Abrela foron Antonio Paleo Saavedra (San Cibrao-Cervo), Eusebio González Pedreira(Viveiro), Ramón Chaves(Viveiro), Vicente Lage “O Chicharro”(Viveiro), José Antonio Franco “O Manchego” ou “O Caudillo”(Viveiro), Domingo Villar Torres(Viveiro), Ramón Vizoso(Viveiro), e os cataláns Evaristo Candelas “O Evaristo” e Antonio Molíns “O Noi. A este grupo que operaba na área da Mariña Occidental sumóuselle na fuxida o denominado “grupo de Ferrol” do que facían parte Evaristo Eive Vilar, Amador Barcia Fernández “Xicos”, Antonio Vilar, Eugenio Vilar Pereira, Manuel Piñeiro, Manuel Vilar Pazos e Manuel Rodríguez Pérez “Galán”.
Tamén van estar presente nesta homenaxe aos máis de 28 veciños e naturais de Vicedo do que temos constancia que sufriron pola súa ideoloxía e por defender os valores da democracia fronte ao fascismo. Neste sentido hai que destacar que aparecen como vítimas da previsión veciños de case a totalidade das parroquias do Vicedo e mesmo algúns naturais deste Concello como Luís Trigo “O Gardarríos”, que residía en Mondoñedo.
A recuperación de toda a experiencia democrática do período republicano, non é para os nacionalistas galegos unha concesión á moda do momento que se que quede en anos máis ou menos rimbombantes, nin moito menos un exercicio de oportunismo político, o BNG considera fundamenta pór en valor este período como contribución a unha sociedade sa democraticamente, como apartación ao résgate da memoria histórica e como panca que permita construír unha Galiza máis libre e socialmente máis xusta.
Xa por último o Bloque Nacionalista Galego quere convocar a todos os veciños da Mariña e de Vicedo a participar deste acto de homenaxe.
Listaxe de represaliados do Vicedo.
Antonio Piñón García
Home de 27 anos, Mineiro
Natural de O Vicedo (Lugo)
Veciñanza: Antonio Piñón García
, O Vicedo (Lugo)
Previamente fuxido. Xulgado por auxilio á rebelión co resultado de sentenza a prisión 12 anos.
Antonio Fernández Iglesias
Proceso
Home de 22 anos, Mariñeiro
Natural de O Vicedo (Lugo)
Veciñanza: Val-Riobarba-O Vicedo, O Vicedo (Lugo)
Causa aberta en Ferrol por deserción (non se ter presentado a filas) declarado fuxido e en rebeldía
Arsenio Doval
Proceso
Home de 24 anos, Labrego/a
Natural de O Vicedo (Lugo)
Veciñanza: Riobarba, O Vicedo (Lugo)
Xulgado por auxilio á rebelión co resultado de sobresemento provisional e multa de 200 ptas. a pagar en 24 horas.
Constantino Piñón Rolle
Prisión
Home de 23 anos, Xornaleiro
Natural de O Vicedo (Lugo)
Veciñanza: Suegos-Riobarba-O Vicedo, O Vicedo (Lugo)
Xulgado en Ferrol por deserción (causa instruída contra os que non se presentaron a filas do distrito de Viveiro) co resultado de ser declarado fuxido e en rebeldía. Preséntase en maio 1939, prisión 4 anos. Aplicado o indulto de outubro do 39, libre
Daniel Fanego Lorenzo
Prisión
Home de 23 anos, Mineiro
Natural de O Vicedo (Lugo)
Veciñanza: San Román-O Vicedo, O Vicedo (Lugo)
Tamén de profesión mariñeiro
Xulgado en Viveiro por deserción (estivera fuxido) co resultado de sentencia prisión 4 anos e denegación do indulto en 1940
Dorindo Leiras Fernández
Proceso
Home de 23 anos, Labrego/a
Natural de O Vicedo (Lugo)
Veciñanza: San Román do Val-Riobarba-O Vicedo, O Vicedo (Lugo)
Xulgado en Ferrol por deserción (causa instruída contra os que non se presentaron a filas do distrito de Viveiro) co resultado de ser declarado fuxido e en rebeldía. Detido o 08/07/37 e sobresemento provisional
Dositeo Fernández Vales
Prisión
Home de 25 anos, Mariñeiro
Natural de O Vicedo (Lugo)
Veciñanza: O Vicedo, O Vicedo (Lugo)
Xulgado por deserción (instruída contra varios por rebelión militar e ataque a man armada) co resultado de sentencia prisión 4 anos. Aplicado o indulto de outubro do 1939 queda en liberdade
Francisco Martínez Oca
Prisión
Home de 25 anos, Ferreiro/a
Natural de O Vicedo (Lugo)
Veciñanza: Viveiro
Xulgado por auxilio á rebelión co resultado de sentenza a prisión 15 anos.
Francisco Dovale Martínez
Prisión
Home de 21 anos, Mariñeiro
Natural de O Vicedo (Lugo)
Veciñanza: Riobarba-O Vicedo, O Vicedo (Lugo)
Xulgado por deserción (iinstruída contra varios por rebelión militar e ataque a man armada) co resultado de sentencia prisión 1 ano. Indultado en outubro do 1939 e queda en liberdade
José Fanego Cao
Proceso
Home de 24 anos, Chofer
Natural de O Vicedo (Lugo)
Veciñanza: Riobarba, O Vicedo (Lugo)
Xulgado por traizón co resultado de sobresemento provisional e multa de 250 ptas. a pagar en 24 horas.
José Fernández Rolle
Proceso
Home de 23 anos, Xornaleiro
Natural de O Vicedo (Lugo)
Veciñanza: Suegos-Riobarba-O Vicedo, O Vicedo (Lugo)
Traballara nas minas en Viveiro
Xulgado en Ferrol por deserción (causa instruída contra os que non se presentaron a filas do distrito de Viveiro) co resultado de ser declarado fuxido e en rebeldía
José Parapar García
Proceso
Home de 23 anos, Militar
Natural de O Vicedo (Lugo)
Veciñanza: O Vicedo, O Vicedo (Lugo)
Mariño do “Jaime I”
Causa aberta en Ferrol por rebelión (contra mariñeiros e fogoneiros do acoirazado “Jaime I”) co resultado sobresemento provisional. Tamén causa aberta por deserción
José Antonio Vilar Baltar
Proceso
Home de 23 anos, Xornaleiro
Natural de O Vicedo (Lugo)
Veciñanza: Mosende-Riobarba-O Vicedo, O Vicedo (Lugo)
Xulgado en Ferrol por deserción (causa instruída contra os que non se presentaron a filas do distrito de Viveiro) co resultado de ser declarado fuxido e en rebeldía. Detido en xuño do 1939. Sobresemento provisional e en liberdade provisional
José Antonio Villar Baltar
Prisión
Home de 25 anos, Labrego/a
Natural de O Vicedo (Lugo)
Veciñanza: Mosende-Riobarba-O Vicedo, O Vicedo (Lugo)
Xulgado por deserción e rebelión (instruída contra varios por rebelión militar e ataque a man armada) co resultado de sentencia prisión 16 anos. Liberdade condicional en novembro do 1941 e licenciamento definitivo en 1953
Laureano Timiraos Rey
Prisión
Home de 25 anos, Labrego/a
Natural de O Vicedo (Lugo)
Veciñanza: Mosende-Riobarba-O Vicedo, O Vicedo (Lugo)
Xulgado por deserción e rebelión (instruída contra varios por rebelión militar e ataque a man armada) co resultado de sentencia prisión 16 anos. Liberdade condicional en novembro do 1941 e licenciamento definitivo en 1953
Luciano Pérez Riveira
Prisión
Home de 40 anos, Comerciante
Natural de O Vicedo (Lugo)
Veciñanza: Riobarba, O Vicedo (Lugo)
Alcalde do Vicedo
Xulgado por auxilio á rebelión co resultado de sentenza a prisión 12 anos. Nunha causa anterior fora declarado en rebeldía e fóranlle incautados os bens.
Luis Trigo Chao “Gardarríos”
Proceso
Home de 51 anos, Empregado/a
Natural de O Vicedo (Lugo)
Veciñanza: Cabana-Riobarba, O Vicedo (Lugo)
PSOE, Garda-ríos da Sociedade Venatoria Provincial en Mondoñedo.
Xulgado por rebelión co resultado de declaración en rebeldía. Lider guerrilleiro. Morte en Lourenzá en enfrontamento coas forzas franquistas nos anos corenta.
Manuel Cora Rolle
Prisión
Home de 23 anos, Xornaleiro
Natural de O Vicedo (Lugo)
Veciñanza: Mosende-Riobarba-O Vicedo, O Vicedo (Lugo)
Xulgado en Ferrol por rebelión militar co resultado de sentenza a 16 anos de prisión. Previamente fuxido e en rebeldía.
Manuel Fanego Fernández
Proceso
Home de 23 anos, Mariñeiro
Natural de O Vicedo (Lugo)
Veciñanza: Suegos-O Vicedo, O Vicedo (Lugo)
Xulgado en Viveiro por deserción co resultado de sentencia prisión 6 anos. Indultado no 1939 e integrado no servizo de mariñeiría de segunda
Manuel Martínez Timiraos
Prisión
Home de 25 anos, Xornaleiro
Natural de O Vicedo (Lugo)
Veciñanza: San Román do Val-Riobarba-O Vicedo, O Vicedo (Lugo)
Fuxido dous anos dende xuño do 1937 a maio do 1939. Xulgado en Ferrol por deserción (non se ter presentado a filas) co resultado de sentencia prisión 6 anos
Manuel Piñón Valella
Outras tipoloxías represivas
Home de 27 anos, Mariñeiro
Natural de O Vicedo (Lugo)
Veciñanza: Riobarba-O Vicedo, O Vicedo (Lugo)
Fixo a guerra na zona republicana. Clasificado dubidoso, enviado a un batallón de traballadores.
Maximino Lage Rolles
Prisión
Home de 23 anos, Labrego/a
Natural de O Vicedo (Lugo)
Veciñanza: Mosende-O Vicedo, O Vicedo (Lugo)
Xulgado por deserción e rebelión (instruída contra varios por rebelión militar e ataque a man armada) co resultado de sentencia prisión 16 anos. Liberdade condicional en novembro do 1941 e licenciamento definitivo en 1953
Modesto Riveira Dovale
Prisión
Home de 25 anos, Mariñeiro
Natural de O Vicedo (Lugo)
Veciñanza: San Román, O Vicedo (Lugo)
Fuxido. Preséntase en 1940. Xulgado en Ferrol por deserción co restulado de sentenza a 6 anos de prisión e multado con 250 pesetas.
Modesto Bellas Giz
Prisión
Home de 28 anos, Labrego/a
Natural de O Vicedo (Lugo)
Veciñanza: Mañón, Mañón
Xulgado en Ferrol por rebelión co resultado de sentenza a 15 anos de prisión.
Orencio Martínez Fanego
Proceso
Home de 20 anos, Labrego/a
Natural de O Vicedo (Lugo)
Veciñanza: Riobarba, O Vicedo (Lugo)
Xulgado por traizón co resultado de sobresemento provisional e multa de 250 ptas. a pagar en 24 horas.
Ramón Martínez Fanego
Prisión
Home de 25 anos, Labrego/a
Natural de O Vicedo (Lugo)
Veciñanza: Mosende-Riobarba-O Vicedo, O Vicedo (Lugo)
Xulgado por deserción e rebelión (instruída contra varios por rebelión militar e ataque a man armada) co resultado de sentencia prisión 16 anos. Liberdade condicional en novembro do 1941 e licenciamento definitivo en 1953
Remedios Fernández López
Proceso
Muller de 40 anos, Traballo na casa
Natural de O Vicedo (Lugo)
Veciñanza: A Coruña, A Coruña
Xulgada na Coruña por rebelión co resultado de sobresemento e posta a disposición da autoridade gobernativa.
Servando Rolle Escourido
Prisión
Home de 21 anos, Mariñeiro
Natural de O Vicedo (Lugo)
Veciñanza: Suegos-Riobarba-O Vicedo, O Vicedo (Lugo)
Xulgado por deserción (instruída contra varios por rebelión militar e ataque a man armada) co resultado de sentencia prisión 4 anos. Indulto en outubro do 1939
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
