Nota de prensa:
29 de Nadal de 2010. Dende hai 10 anos, ADEGA entrega os premios OSÍXENO e DIOXINA para subliñar as millorer e piores actuacións ambientais do ano.
Premio OSÍXENO á millor actuación/actitude ambiental do 2010:
-Categoría individual: a Anxo Moure, atrapador de contos, fundador e impulsor de Bicis pola Paz, Contos Solidarios, Papaventos…
-Categoría colectivo: aos concellos e comarcas galegas pola Compostaxe: Compostela, Ferrolterra, Mancomunidade do Barbanza, Guitiriz, O Morrazo, O Carballiño… até un total de 33.
Premio DIOXINA á actitude ou actuación máis agresiva ou insustentábel:
-Categoría individual: a Santiago Rey Fernández-Latorre, presidente e editor de “La Voz de Galicia”.
-Categoría colectivo: á Dirección Xeral de Conservación da Natureza da Xunta de Galiza.
Premio OSÍXENO DE HONRA a Xaquín Marín pola súa traxectoria de compromiso coa ecoloxía, a língua e a cultura do país.
Un ano máis, e van xa 10 edicións, a Asociación para a Defensa Ecolóxica de Galiza (ADEGA) falla os premios OSÍXENO e DIOXINA. Estes recoñecementos pretenden subliñar as actuación de persoas ou colectivos a prol (premio OSÍXENO) ou en contra (premio DIOXINA) do patrimonio natural galego. Hai uns anos ampliamos o carácter destes premios establecendo dúas modalidades para recoñecer o labor tanto de colectivos como de persoas en cada unha das categorías. E como novidade, en 2009 instituimos o premio OSÍXENO DE HONRA para subliñar toda unha traxectoria de compromiso co ambiente e a cultura do país, que recibíu D. Isaac Díaz-Pardo.
Este ano o premio de honra recae no humorista gráfico e debuxante Xaquín Marín, un dos fundadores da banda deseñada galega e director do Museo do Humor (Fene), por todo o que leva aportado á nosa cultura e pola sensibilidade e compromiso ambiental que reflicten os seus deseños.
Nas demáis categorías, os/as premiados/as nesta edición de 2010 son:
Premio OSÍXENO á millor actuación/actitude ambiental do ano:
-Categoría individual: A Anxo Moure, o Carballo con Botas, atrapador de contos e abrazador de árbores, por concienciarnos sobre os valores da solidariedade, a xustiza e liberdade, usando a paz, a ecoloxía e a imaxinación como instrumentos.
-Categoría colectivo: aos concellos e comarcas galegas pola compostaxe, por teren apostado, fronte á sinrazón da incineración que promove SOGAMA, por outros xeitos máis solidarios e ecolóxicos de xestionar os residuos urbanos. Son máis de 33 os concellos que en Galiza realizan programas de compostaxe caseira ou comunitaria, ou xestionan os seus refugallos en sistemas mancomunados como a Serra do Barbanza ou o Morrazo. En representación de todos, persoalizamos o galardón no concello d’A Illa de Arousa, pioneiro en apostar por un modelo baseado integramente na compostaxe caseira e comunitaria.
Premio DIOXINA á actitude ou actuación máis agresiva e insustentábel:
-Categoría individual: ao presidente e editor de “La Voz de Galicia” Santiago Rey Fernández-Latorre por ser o responsábel dunha liña editorial de desprezo á nosa lingua e colaborar na mentira da imposición. Unha liña que, malia ao bo traballo de moitos profesionais e iniciativas como “Voz Natura”, teima en apoiar intereses e políticas lesivas para o noso ambiente: Ás continuas publirreportaxes e informacións sesgadas sobre Reganosa ou Touriñán, hai que engadir a minimización da dimensión e o silenciamento dos efectos dos lumes deste verán nos espazos protexidos (coincidindo cunha oportuna subvención cuase-nominativa de Medio Rural), a manipulación descarada das informacións encol do concurso eólico atendendo a criterios políticos, e a deturpación ou o silenciamento da voz do ecoloxismo organizado.
-Categoría colectivo: á Dirección Xeral de Conservación da Natureza (Consellaría do Medio Rural). No ano Internacional da Biodiversidade (2010), Galiza segue exactamente igual que hai dous anos: á cola en superficie e hábitats protexidos. Parón nos instrumentos de xestión (PORN, PRUX e Planos de Conservación) baleirados de orzamento, incumprimentos e retrasos nas convocatorias dos organismos consultivos, inoperancia e desleixo cos lumes nos espazos de alto valor natural, desmontaxe e privatización encoberta dos parques naturais, redución das axudas para a prevención e a compensación polos ataques do lobo, xeralización da “caza preventiva”… e como colofón, a recente negativa á criazón do Parque Natural no Monte Pindo solicitado por amplos sectores sociais, institucións, veciñanza e ecoloxistas.
Os premios, consistentes nunha escultura comemorativa e un diploma entregaranse no decurso dun acto público e un xantar de confraternización que celebraremos a finais do mes de xaneiro.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
