Nota de prensa_
As contas elaboradas polo Executivo que preside Alberto Núñez Feijoo amosan o compromiso decidido e prioritario do novo Goberno de Galicia cos veciños da Cidade do Landro
BALSEIRO SINALA QUE A XUNTA DUPLICARÁ NUN SO ANO O INVESTIMENTO EXECUTADO POLO BIPARTITO EN VIVEIRO DURANTE OS CATRO ANOS DA PASADA LEXISLATURA
* Os populares valoran moi positivamente a intención da Xunta de mobilizar durante o ano próximo 15,5 millóns de euros para distintas obras e servizos no concello de Viveiro
* A mellora da LU-862, máis investimentos para o polígono industrial e rehabilitación de vivendas, achegas para o remate do parque de bombeiros, o dragado do porto de Celeiro e a potenciación do servizo de Gardacostas, novas infraestruturas de benestar e a duplicación do investimento para o emisario son as principais actuacións contempladas nos orzamentos da Xunta
* Os populares buscan “compensar” o esquecemento e falta de investimento protagonizado polo Goberno socialista do Estado e o do Goberno bipartito da Deputación, así como a parálise do Executivo municipal socialista
Viveiro, 27 de decembro de 2010.- O parlamentario do Grupo Popular, Jose Manuel Balseiro indicou que nun so ano –o 2011- a Xunta duplicará o investimento executado polo bipartito en Viveiro durante todos os catro anos que durou a pasada lexislatura. Un dato que demostra o compromiso do Goberno que preside Alberto Núñez Feijóo cos veciños deste concello e o carácter prioritario que outorga o Executivo autonómico ás actuacións a desenvolver na Cidade do Landro e no conxunto da Mariña lucense. Jose Manuel Balseiro Orol deu a coñecer estas cifras acompañado do presidente local desta formación política en Viveiro, César Aja, quenes fixeron unha valoración dos investimentos previstos nos Orzamentos da Xunta do 2011 para este concello. Os populares explicaron que a Xunta mobilizará o ano próximo 15,5 millóns de euros en distintas obras ou servizos determinados.
COMPENSAR A PARÁLISE
O esforzo inversor da Xunta ten ademais outro obxectivo básico: o de compensar o esquecemento e a falta de compromiso protagonizado polo Goberno socialista do Estado e o do Goberno bipartito da Deputación provincial, así como a parálise do Executivo municipal socialista. Os dirixentes populares explicaron que, entre os veciños de Viveiro hai unha crecente sensación de frenazo, xa que durante as pasadas lexislaturas nin a Xunta, nin a Deputación, ni o Goberno do Estado foron quen de desenvolver obras de grande relevancia. De feito, as principais actuacións desenvolvidas nesta vila datan dos gobernos populares e da colaboración conxunta entre administracións rexidas polo Partido Popular.
ESTRADAS E SOLO INDUSTRIAL
Unha das actuacións máis salientables –pola súa contía- son o reforzo de firme e mellora das interseccions na LU-862, estrada que une a cidade co veciño concello de O Vicedo ata o límite da provincia (disporá dun investimento de 4 M€), as achegas para o polígono empresarial de Viveiro (5,9 M€, o que supón 4,6 M€ máis ca o ano anterior), en axudas para rehabilitación de vivendas (1.5 M€, o que supón 321.781 máis ca no 2010) ou para a finalización das obras do parque comarcal de bombeiros (46.962 €) –licitado e adxudicado por un Goberno do PP-.
CONSELLERÍA DO MAR
As contas elaboradas polo Executivo Feijóo tamén inclúe diversas axudas para actuacións nos contornos urbanos (650.000 €) e un investimento millonario para a potenciación do servizo de Gardacostas de Galicia que ten a súa base no porto de Celeiro, e no que está situado tamén o centro de operacións do helicóptero de salvamento Pesca 2, dotado de dobre tripulación e operativo as 24 horas do día os 365 días do ano.No ámbito marítimo destaca a dragaxe do porto de Celeiro. Por certo que os populares significaron que o próximo sábado a Consellería do Mar ten previsto facer unha homenaxe aos 20 anos deste servizo cuxo fin fundamental é a de salvagarda da vida e integridade físicas dos homes e mulleres do mar. Os orzamentos da Xunta tamén inclúen unha partida específica para a mellora das instalacións náutico-recreativas e estudo de construción dun novo aparcamento soterrado, no espazo do antigo peirao, tal e como demandan diversos colectivos de comerciantes.
AVANCES EN MATERIA DE BENESTAR
En materia de Benestar, os orzamentos da Consellería de Traballo achegarán 141.485,58 para o Centro Social de Viveiro, ao que hai que engadir a concertación das novas prazas de residentes e centro de día, na futura residencia de persoas maiores e dependentes cuxo cadro de persoal está a contratarse nestas semanas. Finalmente os orzamentos da Xunta achegan 12.000 euros para valoracións silvícolas e da estrutura das masas forestais.
NOVO EMISARIO
Tal e como avanzaron os populares nas pasadas datas, entre as actuacións máis salientables está a execución da obra de reparación e mellora do emisario submarino de augas residuais. Neste ámbito os populares avanzaron unha boa nova, pois o Goberno autonómico duplicará o investimento previsto para esta actuación, ao destinar o ano próximo 4,7 millóns de euros, unha cantidade que multiplica por dous a inicialmente prevista. A Xunta de Galicia non só avanza na corrección dunha das grandes deficiencias desta cidade no ámbito da xestión das súas augas residuais, senón tamén confirma unha aposta decidida pola protección e preservación do medio ambiente e do contorno da ría de Viveiro.
CORREDOR
Durante a pasada lexislatura a provincia de Lugo foi unha das máis esquecidas polo Goberno bipartito da Xunta. Fixo falta que o PP recuperase a responsabilidade de goberno na Xunta para que comezasen as obras do corredor nos treitos lucenses. Os orzamentos do 2011 reservan 10,21 millóns de euros para esta nova estrada de alta capacidade, que se suman aos 30 millóns que se están a executar na actualidade no treito en obras entre Celeiro e San Ciprián.
Viveiro é unha dos concellos máis beneficiados polo futuro corredor –pois servirá para desconxestionar gran parte da carga de tráfico viario que hoxe soporta- e no que a execución dos traballos implica unha maior complexidade técnica e, polo tanto, no que se concentra un maior esforzo inversor. Unha das primeiras decisións do Executivo que preside Alberto Núñez Feijoo foi precisamente o desbloqueo dos trámites administrativos do corredor que permanecían paralizados polo bipartito. A diferenza do compromiso da Xunta, que hoxe pode verse sobre o terreo, o treito de competencia estatal nin tan sequera ten o seu futuro trazado definido, segundo indicou o deputado popular.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
