Nota de prensa:
RAQUEL ARIAS VISITA O OBRADOIRO DE EMPREGO DE XOVE E APLAUDE A SÚA CONTRIBUCIÓN “NA CONSTRUCIÓN E MELLORA DE DOTACIÓNS DE USO COMUNITARIO”
* O proxecto, que formou a 26 traballadores desempregados grazas a unha subvención da Xunta de máis de 551.000 euros, foi clausurado hoxe pola delegada territorial
Xove, 23 de decembro de 2010.- A delegada territorial da Xunta, Raquel Arias, aproveitou hoxe a visita ás obras executadas polos 26 alumnos traballadores do obradoiro de emprego Recunchos de Xove para subliñar “a valiosa contribución que realizan os obradoiros en materia de dotacións de uso comunitario”.
Arias explicou que estes programas mixtos de formación e emprego cumpren “a dobre función de proporcionar novas habilidades profesionais aos participantes e colaborar con importantes obras e servizos ao progreso da comunidade na que se desenvolven”. No caso concreto de Xove, a Consellería de Traballo e Benestar investiu 551.397,60 euros neste proxecto formativo, orientado ás especialidades de albanelería e xardinaría.
A delegada visitou as obras acompañada polo alcalde da localidade Demetrio Salgueiro, e o xefe territorial de Traballo e Benestar, Antonio Dacal, que participaron tamén na entrega de diplomas aos alumnos e alumnas do obradoiro.
Os integrantes do módulo de albanelería encargáronse do acondicionamento interior dunha nave destinada ao persoal do concello que albergará oficinas e vestiarios. Igualmente, pintaron e adecuaron diversos locais para uso social dos veciños e veciñas nas parroquias de Vilachá, Sumoas e Penas Agudas.
Os traballadores e traballadoras do módulo de xardinaría habilitaron unha área recreativa en Ponte do Carro, na parroquia da Rigueira, e realizaron uns xardíns de nova construción partindo dun terreo de eucaliptos na urbanización O Palmeiro.
Arias recoñeceu o importante grao de inserción laboral que presentan oficios tradicionais como os elixidos polo obradoiro de Xove. “Seguen a exhibir boas perspectivas de traballo incluso no actual contexto de crise –sinalou-, xunto con outras disciplinas en auxe como a asistencia no fogar ou as relacionadas coas novas tecnoloxías”.
A delegada lembrou que ao longo deste ano a Consellería de Traballo e Benestar subvencionou na provincia de Lugo 37 programas mixtos de formación e emprego, incluíndo os oito obradoiros de emprego e a escola obradoiro que darán comezo neste mesmo mes de decembro.
O investimento global destas iniciativas supera os 18,7 millóns de euros, beneficiando a 788 alumnos traballadores e dando tamén emprego a outras máis de 40 persoas, entre monitores e persoal de dirección e administrativo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
