Nota de prensa:
O VINDEIRO LUNS 27 DE DECEMBRO ÁBRESE O PRAZO DE INSCRICIÓN NO TALLER DE XIMNASIA PREVENTIVA QUE ORGANIZA A DELEGACIÓN DE BENESTAR SOCIAL DE BURELA PARA OS MAIORES DE 60 ANOS.
Burela, 21 de decembro de 2010. As persoas maiores de 60 anos que queiran continuar no 2011 asistindo ao taller de ximnasia preventiva que organiza a Delegación de Benestar Social e os que queiran facelo por primeira vez poderán anotarse desde o vindeiro luns 27 de decembro e ata o 7 de xaneiro nas oficinas dos servizos sociais no Concello de Burela. Así o anunciaba hoxe a responsable do departamento, Neves Cando.
A edil nacionalista contou que “a semana pasada concluiu a tempada 2010 do taller de ximnasia preventiva e do servizo de fisioterapia para dependentes que desde a Delegación de Benestar Social puxemos en marcha aló polo mes de febreiro. Estas dúas actividades tiñan como obxectivo, por un lado ofrecer un servizo de fisioterapia individualizado para os casos máis necesarios entre os nosos dependentes e que ao longo do ano serviu para atender a 6 deles. E por outro lado, o taller de ximnasia preventida ía encamiñado aos maiores de 60 anos e pretendía a mellora da súa calidade de via e a preparación do corpo para as alteracións que a idade provoca nel”. Neves Canso sinalou que “arredor de 70 persoas participaron ao longo deste 2010 no taller que se desenvolvou durante dúas horas á semana para cada grupo e durante o verán saiu ao aire libre, algunhas das sesións leváronse adiante nos parques biosaudables do noso concello, en camiñatas no paseo marítimo e disfrutando da ximnasia na praza da Mariña”.
A concelleira de Benestar Social dixo que “agora collemos unhas pequenas vacacións no nadal para disfrutar destas festas e da familia e anunciamos que estas dúas actividades voltarán no mes de xaneiro. No caso da fisioterapia desde os servizos sociais do Concello, e a partires do informe da fisioterapeuta que estivo a atender a estas persoas, farase unha valoración sobre o grao de mellora para informar favorablemente a súa continuidade neste programa así como a posibilidade e incorporar novos casos para o 2011. E o taller de ximnasia voltará tamén en xaneiro, imos abrir un prazo de inscrición para que se anoten todas as persoas que queiran continuar asistindo ás clases e para as que queiran empezar nelas. Será do 27 de decembro ao 7 de xaneiro nas nosas oficinas dos servizos sociais na Casa do Concello. O taller de ximnasia arrincará o 12 de xaneiro”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
