Nota de prensa:
A Deputación iniciará en decembro a mellora de 12 rutas de sendeirismo de 6 Concellos, dentro de Lug02
– O organismo provincial investirá 130.000 euros no acondicionamento de preto de 82 quilómetros, dos que 32 se atopan en Lugo e o resto en 5 municipios da provincia
– Antonio Gato subliña que esta actuación se enmarca dentro do programa “co que a Deputación demostrou que o medio ambiente é a oportunidade económica da provincia, e do que xa temos comprometido o 98% do Orzamento”
– A Xunta de Goberno aproba novos investimentos en obra pública en Fonsagrada, Lourenzá e Guntín por valor de 360.658 euros
– Diante as previsións meteorolóxicas para esta fin de semana, a Deputación desprega un dispositivo para atender as incidencias por neve na rede viaria provincial formado por 60 máquinas e 90 operarios
A Xunta de Goberno da Deputación aprobou este venres a dxudicación provisional da mellora de preto de 82 quilómetros correspondentes a 12 rutas de sendeirismo existentes na provincia, dentro do programa europeo Lug02, dotado con 5 millóns de euros e cofinanciado nun 70% por fondos FEDER. O voceiro provincial socialista, Antonio Gato Soengas, detacou que esta actuación se emarca dentro do programa “co que a Deputación demostrou que o medio ambiente é a oportunidade económica da provincia, e do que xa temos comprometido o 98% do orzamento”.
Á execución destas obras, que se iniciarán no mes de decembro, o organismo provincial destina 130.000 euros. Dos preto de 82 quilómetros, que serán acondicionados e recuperados, 32 atópanse nas inmediacións do río Miño, “o anillo verde da cidade”. Son as seguintes: Paseo do río Rato (3,10 quilómetros), ruta de Lugo ó Piago (14,40 quilómetros) e ruta da Fervenza (15 quilómetros).
A recuperación inclúe traballos de sinalización e balizamento, desbroce e limpeza do terreo. Con todo nalgún caso, como na ruta de Lugo ó Piago, que está pouco practicable, será acondicionada na súa totalidade. “Non só ampliamos o paseo fluvial do Miño para que os lucenses dispoñan dun entorno único, senón que dá continuidade ó obxectivo de que os lucenses vivan o río dunha forma distinta e que complementa outros proxectos impulsados polo organismo provincial”. É o caso do Barco Muralla de Lugo, o programa Lugoteando ou o primeiro Paseo Cardiosaudable do río Rato.
No resto da provincia, as outras rutas que se mellorarán, desenvólvense en 5 Concellos. Suman preto de 50 quilómetros e son as seguintes: Outeiro de Rei: Insuas do Miño (5,10 quilómetros); A Pontenova: ruta da Seimeira (3,10 quilómetros); Navia de Suarna: A Retorta (5 quilómetros) e Penedo da Forca (3,20 quilómetros); Cervantes: ruta de Castelo a Igrexa de Donís (2,98 quilómetros) e de Castelo a Moreiras (4,37 quilómetros); e A Fonsagrada: Queixoiro (6,40 quilómetros), Villardiaz-San Andrés (8,30 quilómetros), e ruta dos Puintores (11 quilómetros).
Máis obra pública nos Concellos
A Xunta de Goberno tamén aprobou novos investimentos en obra pública nos Concellos de Fonsagrada, Lourenzá e Guntín por valor de 360.658 euros.Trátase da rexeneración de pavimentos ó acceso de A Porteliña-Cereixido e ramal ó Taboeiro, no municipio fonsagradinoda dentro do canon deste ano, e da adxudicación provisional da substitución de tubaxe e abastecemento en Guntín con cargo ó Plan de Obras das tres anualidades. Segundo o reparto o investimento que realiza a Deputación nestes dous municipios que, no caso de Fonsagrada se atopa na Zona Norte co de Negueira de Muñiz, é de 1.174.695 euros.
Asimesmo, adxudicouse a mellora do drenaxe e seguridade vial da 2,10 quilómetros da estrada provincial 2802 que vai de San Xurxo a Arroxo, en Lourenzá, por importe de 152.177 euros.
Outros acordos da Xunta de Goberno
Aprobouse a contratación da subministración de sal de mina para a utilización nas estradas provinciais. Trátase dunha partida de 112.100 euros para un consumo aproximado dunhas 1.600 toneladas. Esta actuación enmárcase dentro do compromiso da Área de Infraestruturas de mellorar e manter a rede viaria provincial e bo estado e de garantir a seguridade dos usuarios da mesma durante os temporais de inverno. A este respecto, Gato Soengas adiantou que, tendo en conta as previsións meteorolóxicas para esta fin de semana, a Deputación xa ten un dispositivo despregado para atender as incidencias por neve na rede viaria provincial. Deste xeito, mobilizouse un dispositivo formado por 60 máquinas e 90 operarios, ademais dos efectivos do Parque Móbil se fose necesario.
Tamén se deu o visto e prace a 17 contas xustificativas do Plan de Comunidades Veciñais das que 1 son do ano 2007, 4 de 2010 e o resto de 2009. Suman un total de 253.193 euros dos que a Deputación subvenciona 132.817. Corresponden ós Concellos de Palas de Rei (4), Paradela (3), Bóveda, Baleira, Foz, Mondoñedo, Outeiro de Rei, Ourol, Monforte de Lemos, Negueira de Muñiz, Samos e Xermade.
Lugo, 26 de novembro de 2010
SAÚDOS. GABINETE DE COMUNICACIÓN
Teléfonos: 982 260 104 / 982 260 052
696 175 366
e-mail: comunicacion@deputacionlugo.org
www.deputacionlugo.org
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
