Nota de prensa
QUEDOU CONSTITUIDO O CONSELLO ASESOR DA RADIO MUNICIPAL DE BURELA. NEVES CANDO AGARDA QUE AS EMISIÓNS COMECEN O VINDEIRO MES DE DECEMBRO.
A emisora municipal terá a sede na Casa da Xuventude
Burela, 18 de novembro de 2010. Nas últimas horas quedou constituido o consello asesor da radio municipal de Burela. A concelleira de Cultura, Neves Cando, agarda que as emisións comecen o vindeiro mes de decembro.
A edil nacionalista lembrou que “no mes de abril aprobamos en pleno a creación do servizo da radio municipal e o seu regulamento de funcionamento, e segundo isto é o pleno da Corporación quen exerce o control da emisora e quen aproba a súa programación anual, punto que aprobaremos no pleno da vindeira semana”.
Neves Cando explicou que “como paso primeiro o consello asesor, outro dos órganos de goberno previsto no regulamento, propón un avance de programación que despois será aprobado no pleno. Iso foi o que fixemos onte, constituir o consello asesor para trasladar ao pleno a proposta de programación. Os distintos pasos legais tras a aprobación en pleno da creación desta radio xa están aprobados, a Xunta aprobou a nosa solicitude e trasladou a nosa petición ao ministerio que é quen ten a última palabra e no mes de outubro xa nos foi adxudicada unha frecuencia que agora nos comunicou a Xunta”.
A tenente de alcalde de Burela sinalou que “despois de reunir ás distintas asociacións e colectivos para explicarlles toda esta regulamentación e invitalos a formar parte deste proxecto, por certo cunha grande acollida, ao final quixeron estar no consello asesor da radio, a asociación de veciños das Casas Baratas, o clube deportivo Burela F.S e o clube Baloncesto Burela e tres asociacións culturais, o colectivo Buril, Pasada das Cabras e Tabanka. Con estes membros máis o alcalde e eu mesma como concelleira de Cultura e os representantes dos grupos políticos da Corporación, por certo o PP non asistiu, constituise onte o consello asesor e aprobóuse por unanimidade unha proposta de programación que agora se elevará ao pleno”.
Cando engadiu que “dita programación comezaría ás nove menos dez da mañá con dez minutos de adianto información coa previsión da axenda da xornada, ata as once da mañá a radio de Burela estará conectada á rede de todas as emisoras municipais galegas e de 11 a 14 horas será emisión propia de Burela, primeiro cun magazine de actualidade local e comarcal e despois cun espazo informativo tamén local e comarcal. Xa pola tarde de 16 a 18 horas será o tempo adicado á cultura, ás asociacións, á xuventude, ao debate, é dicir a radio a disposición da xente de Burela, e aquí é onde contamos xa coa colaboración de moitas asociacións e colectivos para dar a coñecer as súas actividades e facer unha programación aberta a todos. A partires das 18 horas volveremos a conectar á rede de emisoras municipais galegas para novos programas e informativos”.
Toda esta actividade da radio local vaise desenvolver nunhas dependencias da Casa da Xuventude, que neste momento están sendo habilitadas para iso e “agardamos que para o próximo mes todo bote a andar”.
.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
