O vindeiro día 28 compre cen anos de idade Francisco Lestegás, Pancho do Relámpago. Hoxe en día dáse con certa frecuencia que persoas cheguen a celebrar o centenario, pero posiblemente sexan moi poucas as que o fan nas condicións físicas e mentais das que disfruta Pancho; a tal punto que os focegos témolo por icono, testemuña de como é posible, con moitos anos, ter unha calidade de vida pracenteira, na que a actividade física e social non atope atrancos para o seu desenvolvemento por mor de deficiencias propias do deterioro de idades avanzadas. O centenario está acotío en movemento: xa sexa no entorno da casa labrega, nos mil labores que o mesmo demanda; tomando os viños cos amigos, en amenas parrafadas, botando a partida, ou varias veces á semana camiñando ata o Pico da Lebre, un esforzo non apto para moita xente ben mais nova que o noso heroe. Por certo, lugar de grande atractivo turístico, hoxe devaluado dado o estado en que se atopa a pista que leva a aquel fermoso miradoiro, así como da inexistencia de indicadores do mesmo, para información de hipotéticos turistas. Lugar ó que conducíamos a canto visitante chegaba ós nosos pagos, para que dende alí contemplase tan idílico panorama e o levase impreso en cámaras fotográficas e vídeos que amosaban despois polo mundo adiante, dando así a coñecer, ás persoas mais heteroxéneas, as belezas naturais marítimo-terrestres do noso concello. Na actualidade o paraxe está convertido en vertedoiro de inmundicias, abondoso de lixo, nalgunha medida vítima do vandalismo e polo tanto pouco recomendable. En días vindeiros van a celebrarse en Foz unhas xornadas de Turismo de Natureza; sería desexable que delas xurdira o propósito firme de recuperar, dignificar e potenciar tan interesante paraxe.
Pancho é un home do barrio focego de Marzán, de tradición labrega e mariñeira “onde as redes a enxugar están / no medio das medas e os medeiros do pan” que cantara hai medio século Manuel María. Él é o único supervivente dos socios fundadores do Pósito de Pescadores que, alentados polo mestre Toimil, o cura Fiallega e outros, se creara en 1929. Todo un personaxe.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
