As crianzas elaboraron manualidades durante as actividades desta semana
- Cervo Concilia en Semana Santa
O Concello de Cervo queremos de novo colaborar coas familias para favorecer a conciliación nestas datas de lecer. Así, este martes abre o prazo para participar nunha nova edición deste programa pensado para contribuír á conciliación durante as vacacións escolares. As inscricións poden formalizarse na Casa da Cultura ou no Concello de Cervo ata o 8 de abril. - Presentación este sábado en Ribadeo do libro "As receitas de A Voltas co Prato"
Estarán presentes Fran Cañoto, presentador do programa "A voltas co prato" e Xulio Mato, cociñeiro do mesmo. Será na Biblioteca Municipal "El Viejo Pancho", ás 19,30, coa organización da A.C. Francisco Lanza. - Javier Huertas será o alcalde en funcións de Lourenzá as vindeiras semanas tras a baixa por maternidade da rexedora, Rocío López
Por outra banda, Ana Ermida, ocupará a presidencia da Mancomunidade de Concellos da Mariña ata a volta de López. Ermida, alcaldesa de Barreiros, é a vicepresidenta da entidade comarcal. - A florería ribadense Susana Kempes participou no primeiro Foro e Exposición da Camelia Ciudad de Oviedo, que se celebrou esta pasada fin de semana no Real Instituto de Estudos Asturianos
A florista Susana Suárez presentou traballos realizados con camelias do ribadense Evaristo Lombardero Rico, que tamén asistiu ao evento. - O CEIP Terra Chá da parroquia de Román, en Vilalba, celebrou este sábado o seu 40º aniversario
Fíxoo con actividades festivas e cun xantar popular ao que asistiron profesorado e alumnado antigo e actual, familias e demais persoas que tiveron contacto co centro ao longo destas catro décadas. O delegado territorial da Xunta en Lugo, Javier Arias, participou na xornada. Un dos actos principais do evento, que contou co apoio do Goberno galego, foi a inauguración da escultura 40 anos de ensino rural, realizada pola artesá Clara Naseiro, que quedou instalada na entrada principal do recinto escolar. Tamén se presentou unha exposición fotográfica que repasa a historia do colexio. - Alfonso Villares asistiu ao Mercado de Primavera do Valadouro
Celebrouse este sábado, alcanzando a súa XIX edición. - A Área Recreativa de San Roque, na Devesa, acolleu a celebración do día da árbore e do día da auga, organizada polo Concello de Ribadeo
Alumnado do colexio Sagrado Corazón e do Ceip Gregorio Sanz participou na plantación de árbores e escoitaron interesantes reflexións sobre a importancia da auga e da natureza. Xunto ás rapaces e rapaces estiveron o alcalde, Dani Vega, o concelleiro de Medio Ambiente, Diego Dos Santos, e a concelleira de Turismo, Marta Saiz.
2021 Crónica 3 A Mariña - Implementado por GaliciaDigital