Mondoñedo, 21 de febreiro, 2025. Este venres 28, coincidindo co cuadraxésimo cuarto cabodano de Álvaro Cunqueiro, faráselle entrega da distinción de entidade Cunqueiriana de Honra de 2025 á Editorial Galaxia, editora da maior parte das obras de Álvaro Cunqueiro, tales como Merlín e Familia, As crónicas do sochantre, O incerto señor don Hamlet, Príncipe de Dinamarca ou Os Outros Feirantes, entre outras. Será en Mondoñedo, no marco dos actos conmemorativos da efeméride do escritor.
Os actos de conmemoración do cabodano de Cunqueiro comezarán ás 11:00h no Cemiterio Vello, onde terá lugar a Ofrenda Floral diante da tumba do autor. Está previsto que asistan á mesma autoridades locais, provinciais e autonómicas, así como familiares de Álvaro Cunqueiro, intelectuais da cidade e unha representación da Editorial Galaxia. Nesta mesma visita, e como xa é tradición, tamén se depositará unha rosa vermella na tumba de Manuel Leiras Pulpeiro, outro dos grandes próceres literarios mindonienses.
A seguir, a comitiva trasladarase ao Salón de Plenos do Concello, onde se celebrará a cerimonia de entrega da distinción de entidade Cunqueiriana de Honra á Editorial Galaxia. Alí tomará a palabra en primeiro lugar, en nome da comisión responsable da distinción, o coordinador de Actividades e Publicacións da Casa Museo Álvaro Cunqueiro, Armando Requeixo. Acto seguido será César Cunqueiro, fillo do insigne escritor mindoniense. quen intervirá e fará a laudatio da institución homenaxeada. Inmediatamente despois, o representante da Editorial Galaxia pronunciará o seu discurso de recepción e o acto rematará coa intervención das autoridades e da presidencia, amais de coa lectura pública dunha obra de Cunqueiro, que iniciará a entidade distinguida e continuarán logo outras persoas asistentes.
Todos os actos deste día son públicos e abertos a quen queira achegarse a homenaxear o noso ilustre D. Álvaro Cunqueiro.
O Concello de Mondoñedo e a Casa Museo Álvaro Cunqueiro, organizadores do evento, convidan ao seu medio a asistir e agradecen a difusión da nova.
O 112 Galicia recibiu o aviso ás 11:45 deste sábado a través dun particular, que alertaba dunha colisión entre dous coches con posibles feridos. De inmediato, informouse aos axentes da Garda Civil de Tráfico, aos Bombeiros de Vilalba e ao persoal do Servizo de Urxencias Sanitarias de Galicia-061. Nun primeiro momento, os servizos sanitarios decidiron activar o helicóptero medicalizado con base en Santiago de Compostela, pero finalmente a súa intervención foi anulada. Os dous feridos foron trasladados en ambulancia ao Hospital Universitario Lucus Augusti.
O pasado día 8 deste mes presentouse unha denuncia no cuartel da Garda Civil, na cal se poñía en coñecemento a subtracción dunha caseta de obra que se atopaba nunha leira situada no termo municipal de Foz, e que tres días máis tarde estaba á venda nunha páxina en liña especializada na venda de diversos materiais de segunda man. Como resultado da investigación localizouse esta caseta subtraída e investigouse aos presuntos autores do ilícito. As dilixencias policiais e as persoas investigadas foron postas ao dispor xudicial.
Durante o emotivo encontro, o rexedor trasladoulle o agarimo de todo o municipio, destacando a importancia de celebrar a vida e a experiencia das persoas maiores: “É unha honra para o Concello de Trabada compartir este momento tan especial con Tomasa. O seu século de vida é testemuño da nosa historia e do noso sentir comunitario. En nome de toda a veciñanza, desexámoslle moitísima felicidade e saúde”, sinalou Rubén García. Como mostra de recoñecemento, a concelleira e o alcalde fixeron entrega a Tomasa dunha placa conmemorativa e dun ramo de flores. Desde o Concello de Trabada destacan o compromiso de seguir a render homenaxe ás persoas maiores, verdadeiros alicerces da identidade e da memoria colectiva do municipio.
Os feitos tiveron lugar o venres nun establecemento de hostalería focense, cando o presunto autor accedeu ao seu interior tras romper cunha pedra de grandes dimensións a porta de cristal dun dos anexos do bar. O infractor foi detido cando tentaba abandonar o interior cunhas moedas subtraídas e varias botellas de alcol no seu poder. A persoa detida e as dilixencias policiais serán postas a dispor xudicial.
Nela acordaron o dispositivo que velará pola seguridade durante o Entroido no Concello, concretamente o XLIII desfile do Entroido. Recalcaron a importancia de levar a cabo un operativo acorde coa festividade, incidindo no desfile para que “tanto os veciños como as veciñas poidan gozar sen incidencias”.
O acordo contempla inversións por 6M€ da Xunta, que agora si, irán ao terceiro concello da provincia. A licitación da variante ou a axilización do PXOM, son algúns dos puntos asinados. Os indepedentes non entrarán no goberno. O pleno no que se debatirá o moción será o 7 de marzo.
Será ás 21:00 horas no local social de Trasbar coa colaboración da asociación de veciños deste Burgo. Contará coa actuación do Dúo Eclipse.
