Móstoles, 31 de xaneiro de 2025. A Alcaldesa de Burela, Carmela López, acompaña hoxe ao Burela FS en Móstoles con motivo da Su7ercopa de España de Fútbol Sala Feminino, reforzando o compromiso e apoio do Concello a un equipo que leva o nome da vila ao máis alto do deporte nacional e internacional.
As Guerreiras Laranxas buscan a súa sétima Supercopa, consolidando a súa historia de éxito e facendo que Burela siga sendo referente no deporte de elite. “Estar aquí hoxe é máis que apoiar a un equipo, é representar o orgullo de todo un pobo que se sinte identificado cos valores de traballo e esforzo que encarnan estas xogadoras. Ademais, é unha alegría ver que ata aquí se desprazaron veciños e veciñas de Burela para animar ao equipo, demostrando que a nosa afección é incondicional e parte fundamental desta familia laranxa”, destacou a Alcaldesa antes do partido.
O Concello de Burela reafirma así o seu compromiso co deporte feminino e con iniciativas que proxectan o nome da vila a nivel nacional e internacional. Sexa cal sexa o resultado, as Guerreiras Laranxas xa son campioas para Burela.
Ante a enorme expectación que levantou o evento, a Xunta de Confrarías está a analizar a posibilidade de habilitar un segundo pase, para que as persoas que se quedaron sen entrada para o primeiro poidan gozar dun evento senlleiro e único nunha contorna incomparable como é a Igrexa de San Francisco de Viveiro. Nos próximos días compartirase máis información sobre esa posibilidade. As entradas están dispoñibles en liña en Ataquilla e fisicamente na oficina de Turismo de Viveiro.
Os feitos delituosos tiveron lugar ao redor das 20.00 horas do pasado día 27, cando a persoa investigada realizou un grafiti na fachada dun inmoble situado no termo municipal de Ribadeo. No momento da identificación da persoa investigada fóronlle intervidos dous botes de pintura en aerosol das mesmos cores que os utilizados para a confección do grafiti, obsérvandose ademais restos de pintura nas mans. Está pendente a valoración dos danos no inmoble. As dilixencias policiais foron remitidas á Autoridade Xudicial.
Desde o Concello, en colaboración coa asociación de Xubilados Terramar, convidan a toda a veciñanza a participar ese día nunha charla sobre vida saudable e alimentación baixo o título "a alimentación como factor propector fronte ao cancro" que impartirá a nutricionista Cristina Rodil. Será o 4 de febreiro, ás 16:30 horas, na Casa do Mar; a continuación as persoas asistentes poderán desfrutar dunha degustación saudable.
Os feitos tiveron lugar o pasado día de Reis cando un técnico estacionou unha ambulancia no aparcadoiro habilitado no hospital da Mariña, deixando na consola do vehículo a súa carteira particular, mentres accedía ao centro médico cun paciente. Tras regresar observou que lle faltaba a carteira do interior da furgoneta, atopándose a ambulancia coas portas pechadas, pero sen chave. Iniciouse unha investigación policial, dando como resultado a imputación en calidade de investigado do presunto autor da subtracción. As dilixencias policiais foron remitidasá Autoridade Xudicial.
As palestras teñen lugar no Hotel Voar de Ribadeo. A seguinte, e derradeira, será a de Isabel Díaz Ayuso (14 de febreiro).
Este curso ten por obxecto formar a familias, educadores e a calquera persoa interesada na identificación de sinais de alerta, promovendo o uso seguro de internet e sinalando estratexias efectivas para protexer aos menores da explotación en liña, tendo en conta que as redes sociais convertéronse nunha ferramenta crave para a comunicación, pero tamén presentan riscos graves, como a captación de persoas. Unha actividade impartida dende a Plataforma Escuela Diaconía España. Realizarase en liña do 10 ao 13 de febreiro. Máis información e matrícula: 
Resultaron gañadores na fase local os traballos presentados por: Lily Fernández López, de 8 anos. Xela Fernández Fernández, de 11 anos. Recibiron un diploma e cadanseu lote de libros. Os traballos premiados foron enviados xa á Biblioteca Pública de Lugo, para participar na fase provincial do concurso, co patrocinio da Consellería de Cultura.
