Ribadeo, 29 de xaneiro, 2025. O BNG explica que: “Por moito que Daniel Vega se empeñe en crear realidades paralelas nas que fai pasar por verdade as súas trolas xigantescas, a Área de Cultura da Deputación Provincial de Lugo aumenta a asignación para o Ribadeo Indiano a través dun convenio de colaboración asinado con ACISA. Esta organización ribadense, de longa tradición e capacidade de traballo e xestión demostrada ao longo dos anos, vai poder continuar desenvolvendo o seu traballo a prol do Ribadeo Indiano”.
“Ante este feito, a continuidade desta achega para o Indiano, semella que o alcalde de Ribadeo só quere axudas se protagoniza el a foto. Pouco lle importa ao goberno municipal do PP que ascenda a 23.000€ a achega da Deputación. Nun ataque de celos, Daniel Vega é quen de poñer en perigo tal achega con tal de intentar desacreditar o labor do BNG, aínda que sexa cuestionando o bo facer de organizacións como ACISA”.
“Pouco lembra o PP de Ribadeo cando o goberno da Xunta negaba sistematicamente axudas á festa Indiana (e a tantas outras cousas). Non escoitabamos naqueles tempos ningunha queixa por parte do actual alcalde. Pero agora, sobreactúa laiándose porque non vai ser el o protagonista”.
“Ante o incumprimento reiterado, por parte do actual goberno municipal, dos seus compromisos, a Área de Cultura da Deputación Provincial de Lugo optou por conveniar con ACISA esta axuda ao Indiano para así poder seguir garantindo a aposta do ente provincial pola nosa festa indiana”.
Os feitos tiveron lugar o pasado día de Reis cando un técnico estacionou unha ambulancia no aparcadoiro habilitado no hospital da Mariña, deixando na consola do vehículo a súa carteira particular, mentres accedía ao centro médico cun paciente. Tras regresar observou que lle faltaba a carteira do interior da furgoneta, atopándose a ambulancia coas portas pechadas, pero sen chave. Iniciouse unha investigación policial, dando como resultado a imputación en calidade de investigado do presunto autor da subtracción. As dilixencias policiais foron remitidasá Autoridade Xudicial.
Este curso ten por obxecto formar a familias, educadores e a calquera persoa interesada na identificación de sinais de alerta, promovendo o uso seguro de internet e sinalando estratexias efectivas para protexer aos menores da explotación en liña, tendo en conta que as redes sociais convertéronse nunha ferramenta crave para a comunicación, pero tamén presentan riscos graves, como a captación de persoas. Unha actividade impartida dende a Plataforma Escuela Diaconía España. Realizarase en liña do 10 ao 13 de febreiro. Máis información e matrícula: 
Esta aterrou sobre dous coches, sen causar grandes danos. Sucedeu ás 4:00 horas da madrugada deste xoves.
Resultaron gañadores na fase local os traballos presentados por: Lily Fernández López, de 8 anos. Xela Fernández Fernández, de 11 anos. Recibiron un diploma e cadanseu lote de libros. Os traballos premiados foron enviados xa á Biblioteca Pública de Lugo, para participar na fase provincial do concurso, co patrocinio da Consellería de Cultura.
Este sábado, 1 de febreiro de 2025, ás 21,00 horas, o grupo teatral "O Centiño" de San Martiño representará no salón de actos da Casa da Cultura de Trabada a súa obra "A Morte Morrida", unha reflexión en clave de comedia sobre a xubilación e a importancia de crer na vida e no seu valor. O acto está organizado polo concello de Trabada.
“A súa pegada quedará para sempre en Ribadeo”, subliñan desde o Concello. E destacan que “ambas estatuas, ademais de seren un emblema desta vila, son un reclamo turístico moi importante”.
