Nota de Prensa
A través dunha iniciativa parlamentaria que persegue garantir aos veciños de Arante que o Goberno galego fará todo canto estea nas súas mans para repoñer á normalidade a circulación pola ponte, danada a principios de xuño a consecuencia dos efectos causados polo temporal Doris
OS DEPUTADOS MARIÑANS DO GRUPO POPULAR INSTAN Á XUNTA A LEVAR A CABO CANTAS MEDIDAS E ACORDOS SEXAN NECESARIOS PARA AXILIZAR O ARRANXO DE A PONTE DE ARANTE, EN RIBADEO, ATENDENDO A CRITERIOS TÉCNICOS.
Lembran que unha vez actuado na ponte a situación será irreversible, polo que cómpre garantir que a solución final sexa a correcta
Santiago, 5 de novembro de 2010.- O Grupo Parlamentario Popular, a través da súa deputada Emma Álvarez Chao, ven de rexistrar na Cámara unha proposición non de lei na que insta á Xunta de Galicia a que poña os medios e facilite os acordos necesarios para que a Deputación Provincial de Lugo -administración competente neste ámbito- poida restablecer á normalidade “A Ponte de Arante”, en Ribadeo, atendendo a criterios técnicos, de tal xeito que os veciños, peregrinos e visitantes desta localidade non teñan que facer trazados alternativos que supoñen atrasos superiores á media hora.
A iniciativa parlamentaria persegue garantir aos veciños de Arante que o Goberno galego fará todo canto estea nas súas mans para repoñer á normalidade a circulación pola ponte, danada a principios de xuño a consecuencia dos efectos causados polo temporal Doris, que afectou a Mariña de Lugo os días 10 e 11 de xuño.
A deputada popular interesouse por esta cuestión despois de constatar que xa pasaron cinco meses desde que a ponte quedou danada e cómpre, polo tanto, executar a obra pertinente con carácter de urxencia. “Xa que logo, hai que ter en conta que o inverno está á volta da esquina e as inclemencias meteorolóxicas poden causar danos maiores.”, apunta Emma Álvarez, que busca a través desta iniciativa de impulso á acción do Goberno un mandato expreso do Parlamento para que a solución a esta problemática non se dilate no tempo.
ADOPTAR A SOLUCIÓN CORRECTA
A deputada popular explicou que aínda que esta ponte data do ano 1923, “é importante que manteña características propias do entorno en que se atopa” e lembra, a ese respecto, que o Camiño de Santiago do Norte descorre sobre ela e está ubicada ao carón da capela das Virtudes do s. XV, “unha edificación inventariable como ben patrimonial”. De feito, ese é o motivo que leva aos populares a apoiar os informes iniciais da Dirección Xeral de Patrimonio, “partidaria de restaurala atendendo a consideracións técnicas e de concordancia co entorno”, fronte ao que pretendía a Deputación Provincial de Lugo, partidaria da súa demolición “sen xustificacións técnicas que avalaran o proxecto presentado”. Emma Álvarez lamentou que esta falta de acordo “se traduza nun retraso de cinco meses na execución da obra”, mais subliñou que, sexa cal sexa a decisión final, “unha vez actuado sobre a ponte, a situación será irreversible e polo tanto, cómpre adoptar a solución correcta, sen espazo para o erro ou futuras lamentacións”
Os populares subliñan tamén na súa iniciativa que “aínda que consideramos que o Patrimonio Cultural se debe preservar, tampouco iso significa desprezar os requisitos establecidos no actual Plan Hidrolóxico de Galicia-Costa, reflectidos na resolución de autorización de Augas de Galicia”. Emma Álvarez indicou que o devandito informe incidía na necesidade de salvar o río mediante unha ponte dun só van que permita mellorar a súa capacidade hidráulica baixo as directrices da Dirección Xeral do Patrimonio Cultural.
SAÍR AO PASO DAS CRÍTICAS POLÍTICAS
Ao mesmo tempo, a deputada popular quere saír ao paso das acusacións vertidas polo candidato socialista no Concello de Ribadeo, que o único que pretende “é buscar o rédito político” dun feito que entorpece aos veciños. “Parece que ao Sr. Gutierrez pódelle máis a crítica que o talante para chegar a acordos entre as disintas administracións implicadas”, comportamento que achaca a que o candidato socialista “aínda non tivo tempo de comprender o talante do que presume o seu agora lider, o Sr. Zapatero”. “Non tivo tempo de asumilo polo pouco que leva na formación tras o seu cambio de chaqueta, despois de ser alcalde de Ribadeo durante varios anos baixo outras siglas, isto si é digno do clube da comedia”. Emma Álvarez recordoulle ao Sr. Gutierrez que “o único sectarismo que sufríu a Mariña foi precisamente durante o mandato bipartito, onde algún conselleiro socialista non foi quen de recibir a alcaldes mariñáns do PP en todo a lexislatura”.
A deputada tamén valorou as declaracións do Sr. Alcalde, lembrándolle que “o lamentable é tratar de impoñer un proxecto sen valorar os informes técnicos que o acompañan”. De feito, unha vez coñecido o informe de Augas de Galicia, contraditorio co da Dirección Xeral de Patrimonio, ténicos de ambalas dúas consellerías se reuniron para acadar o acordo inmediato de cumprir os requisitos establecidos no actual Plan Hidrolóxico de Galicia-Costa xuntamente coas directrices da Dirección Xeral do Patrimonio Cultural. Feitos contrastables e que foron comunicados áDeputación ao remate da reunión.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
