O portavoz provincial do PP explica que “PSOE e BNG volve atrasar a construción da residencia de Guitiriz”, como mínimo, “ata xullo do 2025” tras aprobar unha prórroga doutros nove meses
Lugo, 23 de decembro de 2024. Os portavoces do PP na Deputación de Lugo, Antonio Ameijide, advirte do “enésimo incumprimento” do goberno de PSOE e BNG en relación á rede de residencias provinciais.
Ameijide comprobou xunto ao portavoz do PP en Guitiriz, José Manuel López ‘Portolamas’, o “lento avance” das obras de construción desta infraestrutura prometida aos veciños e veciñas de Guitiriz fai moitos anos. A súa construción foi adxudicada en xaneiro do ano pasado e preto de dous anos despois, continúa aínda en construción polo que esixen “axilidade”.
O portavoz do PP subliña que “o propio goberno provincial recoñece o atraso nas obras toda vez que aprobou no mes de outubro unha prórroga de nove meses para a execución destas obras”. Nese sentido, advirte que “PSOE e BNG volven atrasar a construción da residencia de Guitiriz”. Neste caso, como mínimo, “ata xullo do 2025”.
Os populares lembraron a “nefasta” xestión do PSOE e BNG en materia de residencias á vista de que “incumpren o compromiso cos veciños e veciñas de 10 concellos” onde permanecen pechadas como a comarcal de Becerreá, en construción como a de Guitiriz, A Pontenova ou A Pobra de Brollón, sen iniciar as obras en Folgoso do Courel e Portomarín ou, incluso, sen proxecto como en Cervantes, Ourol, Pantón e O Saviñao.
A residencia de Guitiriz non só sofre continuos atrasos, senón que o edificio cedido polo Concello para a construción da residencia -a coñecida como Casa da Botica, un edificio emblemático, con valor histórico e elementos patrimoniais catalogados situado no centro da localidade- foi derrubado polo goberno provincial.
ACCIÓNS COORDINADAS
Recentemente, os representantes do PP na Deputación e nos Concellos afectados anunciaron unha liña de actuacións para esixir a PSOE e BNG o cumprimento dos seus compromisos. De feito, o Grupo Provincial Popular levará ao pleno da Deputación deste venres unha iniciativa para esixir ao goberno provincial “celeridade na execución das obras e na apertura dos centros de atención a maiores”. Antonio Ameijide incide en que “seguiremos ao carón” dos veciños de todos estes municipios ata acadar a apertura dos centros comprometidos.
O portavoz explica que “o goberno provincial non prevé a apertura de novas residencias no 2025, nin das residencias en construción ni das que tiñan comprometido, á vista de que os orzamentos da Deputación de Lugo para 2025, que aprobaron en solitario PSOE e BNG, o partida total para os centros de atención a maiores baixa máis de 96.000 euros e os investimentos reais diminúen nun 12%”.
Despois da misa que se celebrará na Vila do Medio, haberá un breve concerto de panxoliñas na propia igrexa do grupo de música e canto de Ledicia, que será outro xeito de celebrar o 50 aniversario como asociación e servirá de homenaxe ó coro, que foi unha das primeras actividades coas que se iniciaba o traballo hai medio século.
A súa visita fixo as delicias dos nenos e nenas este sábado, 21 de decembro.
Visitantes de toda Galicia e doutras partes de España acudiron á carpa instalada na Praza da Constitución. López agradeceu o labor do Concello e da Alcaldesa, a participación e o bo facer dos produtores e puxo en valor a alta calidade do produto. “Dende a Deputación de Lugo estamos e estaremos sempre do lado do sector primario e por iso, como non podía ser doutra maneira, colaboramos coa proxección desta cita. Estamos ao carón de todas as persoas que traballan para manter vivo e impulsar o rural”, valorou.
E antes de repartir ilusión, o Concello de Cervo encargoulle que fixese unha parada co seu elfo no centro de Saúde Mental Adaoemam A Mariña onde recolleu uns detalliños para cada pequeno/a que fixeron con todo o cariño, como sempre.
A temática elixida para este 2025 son paisaxes do municipio pouco coñecidos. Panorámicas singulares ou recunchos de gran beleza pertencentes ás oito parroquias de Xove, que son pouco coñecidas polo público en xeral, e mesmo, en moitas ocasións, tamén pola propia veciñanza. O almanaque complétase cunha felicitación de nadal do alcalde e da corporación municipal do Concello de Xove, ademais dunha ampla listaxe con teléfonos de servizos de interese para a poboación.
O secretario xeral da Lingua, Valentín García, participou este xoves no cemiterio vello de Mondoñedo na ofrenda floral no panteón de Pascual Veiga, no marco dos actos conmemorativos do Himno galego.
