Burela, 28 de novembro, 2024. Xebra propón esta semana a proxección dun documental, un roteiro por Viveiro e unha palestra sobre a situación socio-económica da comarca
Proxección no Xebra de ‘Morabeza’, documental sobre a comunidade caboverdiana
Este venres 29, a partir das 20 horas, o centro social Xebra! (Leandro Cucurni, 9, Burela) contará coa presenza de David Mon, o director de ‘Morabeza’. O cineasta, gañador dun Mestre Mateo en 2023, presentará este documental sobre a comunidade caboverdiana na vila mariñá.
O título, que refire o concepto de ‘hospitalidade’ en crioulo, explora os vínculos que se crean nunha convivencia de case cincuenta anos. As primeiras vagas de migrantes nos anos 70, a facilidade idiomática, a acollida por parte da vila… son algúns dos temas que trata a película.
Despois da proxección e coloquio, o centro social e a agrupación xuvenil que organiza o encontro (Mocidade pola Independencia) convidan ao público a ficar un bocado máis celebrar un serán con refrixerios e música.
Roteiro da memoria histórica este sábado en Viveiro
O paseo, guiado polo cronista oficial da vila Carlos Nuevo Cal, comezará ás 10 horas desde a Praza Maior de Viveiro. O guía levará o grupo por un pequeno percorrido no que explorará lugares e datas especialmente importantes na historia da resistencia anti-fascista e represiva da comarca.
A situación socio-económica da comarca, a debate no Xebra
A palestra será o sábado 30 de novembro a partir das 16:30 horas no centro social de Burela
Co gallo das xornadas ‘Organizadas fronte o fascismo’, promovidas desde Mocidade pola Independencia, o centro social Xebra! (Leandro Cucurni 9, Burela) ofrece unha mesa-redonda este sábado ás 16:30 horas sobre a situación social e económica na Mariña.
A actividade contará coa perspectiva do psiquiatra Diego González Peña, do centro de saúde de Burela, a traballadora con mulleres en risco de exclusión social Nilda Borges e o delegado sindical en Alcoa José Manuel Pena Abeijón. Os tres conferenciantes achegarán unha visión integral das coordenadas nas que se move a comunidade mariñá, desde un punto de vista sanitario, social e económico.
No acto ligado a esta formación, que rematou hoxe e deu comezo o pasado 11 de novembro, estiveron o presidente da Apehl, Cheché Real; o director do Instituto Galego do Viño (Ingavi), centro responsable da formación, Xoán Cannas, e a alcaldesa de Vilalba, Marta Rouco.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celebráronse no CFEA Pedro Murias. O programa incluiu tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
