Os concelleiros do PP confían en que estas iniciativas teñan boa acollida entre as distintas formacións que compoñen a corporación municipal e que “o goberno local poña en práctica aquilo que se desgañita en proclamar: que non todo en política vale”
Burela, 27 de novembro de 2024. O PP de Burela esixe ao goberno bipartito mellorar a información aos veciños e veciñas no referente á actividade municipal e tratar de erradicar, na medida do posible, bulos, mentiras e desinformación.
Os concelleiros do Grupo Municipal Popular defenderán no pleno deste xoves dúas iniciativas: unha para facilitar o acceso á visualización dos plenos e outra para evitar mensaxes partidistas a través dos medios do Concello.
O portavoz, Manuel Rouco, explica que “solicitaremos ao goberno bipartito que encabeza a señora López Moreno que facilite a visualización dos plenos -tanto ordinarios coma extraordinarios- non só publicando o enlace na páxina web municipal, senón tamén facilitando accesos directos a través das diferentes canles de comunicación do Concello como, por exemplo, as súas redes sociais oficiais (Facebook, WhatsApp…).
Igualmente, os populares advirten sobre a forma de comunicar deste goberno bipartito e piden que “a comunicación institucional sexa iso: institucional”. Dende o PP condenan que “se empreguen as canles de comunicación do Concello para facer propaganda electoral dalgunha das formacións que integran o bipartito”.
Rouco cre que “a comunicación do Concello que traslade o goberno debe estar afastada de calquera tipo de valoración política”. No caso de que calquera dos membros do goberno queiran facer valoracións partidistas, “son absolutamente libres de facelo, pero empregando as canles de comunicación das súas correspondentes formacións”.
Os concelleiros do PP confían en que estas iniciativas teñan boa acollida entre as distintas formacións que compoñen a corporación municipal e que “o goberno local poña en práctica aquilo que se desgañita en proclamar: que non todo en política vale”, conclúen.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
