Ribadeo, 26 de novembro de 2024. Corenta establecementos comerciais asociados a Acisa Ribadeo ofrecerán interesantes promocións e descontos durante o Black Friday os días 29 e 30 de novembro e 1 de decembro.
A presidenta de Acisa, Carmen Cruzado, comentou que “durante tres días a veciñanza de Ribadeo e as persoas que se acheguen á nosa vila poderán atopar importantes descontos en moitos sectores: informática, telefonía, decoración, moda home, moda muller, moda infantil, calzado, mercerías e lencerías, tallas grandes, xoiaría, bebés, complementos, ópticas ou agasallos, entre outros. Como facemos sempre queremos aproveitar para recordar a importancia que ten mercar en Ribadeo, onde atoparemos un trato próximo e personalizado e onde podemos ver e tocar os produtos. No comercio de Ribadeo sempre haberá unha cara amable á que poder acudir”.
O xerente de ACISA, Jesús Pérez, dixo que “en Ribadeo seguimos a sacarlle proveito aos domingos, xa que na maioría das cidades e das vilas esa xornada xa non se celebra o Black Friday por que non se abre, pero en Ribadeo si, algo co que marcamos a diferenza. Deste xeito o cliente pode aproveitar tamén o domingo pola mañá para facer as súas compras e beneficiarse das ofertas e descontos que atopará nos negocios asociados. o noso Black Friday de tres días coincide tamén coa campaña das Panchas, na que por cada 30 euros o Concello de Ribadeo regala 10, é dicir recibimos 40 panchas. Entón consideramos que é un bo momento para aproveitar os descontos do Black Friday empregando tamén a moeda local ribadense. Un ano máis, esta é unha moi boa ocasión para vir mercar á nosa vila”.
Carmen Cruzado contou que “toda a información detallada das ofertas do Black Friday, pódese encontrar na nosa web www.acisaribadeo.es ou nas nosas redes sociais. Hai grandes promocións, descontos do 10, 20 ,50 %, zonas outlet, 2×1 en produtos e servizos, e diversas ofertas… por iso animamos a todos as nosas veciñas e veciños e visitantes a consultalos. Seguro que encontran mais dunha opción moi interesante”.
Os establecementos participantes no Black Friday 2024 de Acisa Ribadeo son: Calzados la Moda, La Moda Básico, Cuatro Vientos, La Moda Sport, Mika, Pequerrechos, Glass, Opticalia, Mercería Torviso, Terra Branca, Fauna, Grisi, Beep Ribadeo, Miss-Tic, Siñeiro Hogar, Anais, La Coqueta, For Friends, Bora Bora, Sanjurjo, Esprit, Óptica Miró, Ginzo Hombre-Mujer, Sendín, Naná, Xardineo, Menfer, Casa Mandarina, Pepa Peineta, Boutique Pippol´s, Boutique Valentina, Boutique Del Rio, Farfala, By Hortensia, Deportes Docobo, Óptica Carreira, OVS Kids Ribadeo, Coco, Jatay e Ohana.
De torreznos e chiquitos
Jesús Pérez lembrou que “a isto temos que engadir as xornadas de torreznos e chiquitos por Ribadeo para despedir o mes de novembro. Está actividade es organizada pola asociación en colaboración con Asoporcel, Celtagal e Azpilicueta. Participan 19 establecementos asociados a Acisa. Sen dubida coa programación de ambas campañas na mesma fin de semana buscamos despedir novembro por todo o alto e comezar decembro como se merece. Deste xeito ofrecemos unha fin de semana completa con descontos e ofertas no comercio e cunha proposta gastronómica diferente. Non hai escusa para non estar en Ribadeo estes días, cos que nos preparamos para recibir decembro, que chegará cargado de actividades”.
A presidenta de Acisa anima “á veciñanza de toda a contorna, de Asturias e de Galicia, a achegarse esta vindeira fin de semana a Ribadeo. Temos a combinación perfecta: compras e gastronomía. E si a iso lle unimos a beleza paisaxística e unha estación tan colorista como o outono, o éxito está garantido”.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
