Partido dedicado á campaña “NON á violencia de xénero”, no que as mariñanas xogaron de 10 ante un Marín que non conseguíu seguirlles o ritmo
Sábado 23 de novembro. Ás 17.00h desta tarde celebrouse a 11ª xornada da liga de Primeira División Iberdrola FS na que se disputou un dos diversos derbis galegos desta categoría, o ENCE Marín Fusal – Pescados Rubén Burela FS no pavillón A Raña, cun resultado final 1-7. Partido dominado na súa totalidade polas burelenses que ademais do avultado resultado xeraron numerosas ocasións.
Abre forte o partido o Pescados Rubén Burela FS, que non permite ás rivais case pisar a súa cancha. Primeiro tanto do encontro cun remate de Patricia tras un pase de Emilly a Cami que corre pola banda e dispara a portería, chegando a Yeclana ao segundo pau para rematar o balón. No minuto 8 detén Ana Eliza a primeira ocasión de perigo do Marín, un disparo lateral de Lucía tras unha recuperación de Guida. Outra de Gi Portes no minuto 10 nunha acción individual tras un roubo no que regatea a defensa burelense pero non atina coa portería. Continúan tentando o gol ambos equipos, pero poucas finalizacións durante os seguintes minutos desta primeira parte. Téntao Emilly bloqueando Ana Pinto no minuto 15 tras un bo roubo de Dany en preto da área visitante e boa carreira ao longo da pista ata a cancha contraria, pasa a Emilly que tenta coala entre a defensa ata Noelia Montoro e volvéndoo a tentar, esta vez coa portería como obxectivo, no rexeite tras chocar nunha das xogadoras locais. Volve atoparse con Ana Pinto, esta vez na liña da área, nunha carreira pola banda e cara a cara coa porteara no minuto 17. Case consegue o segundo Cilene nun lanzamento cruzado no minuto 3 e vólveo a buscar sen conseguilo Emilly no minuto 19 cun disparo afastado que bloquea coas mans a porteira do conxunto pontevedrés. Sálvaa Ana Eliza de novo, desviándoa a córner coa man nun cara a cara con Bravo tras unha contra moi ben montada pola porteira que sae rápido da área co balón nunha situación de ataque das visitantes.
Na segunda parte primeira ocasión clara das visitantes, cun disparo de Débora que bloquea a porteira do Marín. Téntao con accións rápidas o conxunto de More sen lograr finalizar con xeito, mentres as burelenses dominan o encontro con moito xogo de balón e posesión pero sen conseguir o gol. Ata o minuto 25 no que o Burela encaixa dous goles seguidos, o primeiro de Emilly cun disparo lateral que nun principio parece deter Ana Pinto, pero que se lle escapa das mans e Antía Pérez protéxea ata que o balón cruza a liña de meta, cedendo o tanto á súa compañeira, e un segundo tanto, esta vez de Patricia, nunha boa xogada combinativa con Antía Pérez. Non tarda moito en chegar o cuarto, no minuto 28, un golazo impresionante de Dinha tras un moi bo control do balón ante Patri Corral, sorteándoa e meténdoa ao traveseiro cun disparo imparable. No minuto 34 Cami cóaa entre as pernas de Patri (tras a expulsión de Ana Pinto), cun disparo raso conseguindo o quinto, e no 38 Antía Pérez anota o sexto desde a área tras un bo roubo a media pista e unha boa combinación con Patricia. Consegue un tanto o Marín no último minuto, tras a sexta falta das mariñás que lanza desde os 10 metros Guida pero que bloquea Ana Eliza, aproveitando o rexeite Café para anotar o 1-6. A segundos de rematar o encontro Patricia logra o hat-trick e o 1-7 final cun gol a portería baleira dende propia cancha en pleno ataque con porteira-xogadora do Marín.
A fin de semana que vén as Pícaras enfrontaranse ao AE Lles Corts, en Vista Alegre, nun horario que aínda non é oficial, pero que se prevee ás 21.00h.
Ficha Técnica ENCE Marín Futsal 1-7 Pescados Rubén Burela FS
ENCE Marín Futsal (1): Ana Pinto; Bravo, Gi Portes, Café (C), Guida –cinco inicial-, Miriam, Paula, Lucía, Patri Corral, Daniela, Gisela.. Entrenador: Daniel Álvarez “More”
Pescados Rubén Burela FS (7): Ana Eliza; Dany (C), Noelia Montoro, Débora, Emilly – cinco inicial-, Patricia, Cami, Cilene, C. Pedreira, Cris Lourés, Antía Pérez, Dinha. Entrenador: Julio Delgado.
Goles: 0-1, min.4: Patricia. 0-2, min.25: Emilly. 0-3, min.25: Patricia. 0-4, min.28: Dinha. 0-5, min.34: Cami. 0-6, min.38: Antía Pérez. 1-6, min.39: Café. 1-7, min.40: Patricia.
Árbitros: Ander Orbegozo Cantón, Olivier Cardero Rodríguez, Marcos Vázquez Mayan, Vanesa Covelo Vilariño.
TA: Noelia Montoro, Cris Lourés.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
