Ribadeo, 22 de novembro, 2024. Esta noite do xoves 21 de novembro, e despois de termos asistido ao espectáculo da natureza a xeito de xistrada (quen sabe se ambientando varias das pasaxes da novela “O gran triángulo”), escoitamos a interesante charla impartida polo profesor e veciño de Ribadeo, Francisco Díaz-Fierros Viqueira sobre a figura do matemático e astrónomo Xosé Rodríguez González.
El é o protagonista principal da novela que convocou nesta tarde outonal. Ao abeiro dos andeis da Biblioteca Municipal “El Viejo Pancho” escoitouse ao autor amosando as claves dunha novela que ten un claro interese divulgador da actividade científica. A medición do gran triángulo encadrábase na necesidade de constatar a definición do que é un “metro”: había que mostrar a súa equivalencia coa dez millonésima parte da distancia dun cuarto de meridiano, ou sexa, a distancia que hai entre o ecuador e o polo norte.
Velaquí a grande aventura que protagonizaron Xosé Rodríguez, Jean Baptiste Biot e François Arago percorrendo as illas Pitiusas (Eivisa e Formentera): continuar desenvolvendo a medición do meridiano que baixa de París a Barcelona, mediante a técnica da triangulación, prolongando dita medición ate as Illas Baleares.
Intriga, motivada pola situación política do momento; perseveranza, fronte ás inclemencias do tempo, e actitudes ben próximas á heroicidade, conforman o fío argumental desta interesante novela.
Por certo, cada vez que un se achegue dar unha volta até a Illa Pancha e vexan o punto xeodésico que hai á beira do miradoiro, ben pode lembrar “O gran triángulo”: puntos coma ese son os que se tomaban como referencia para confeccionar os mapas e calcular a extensión de cada territorio.
A A.C. Francisco Lanza segue a facer divulgación científica en galego. “Unha mágoa que se siga a considerar que nas aulas mellor ensinar a ciencia en castelán. Haberá que seguir traballando para que mude a situación”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
