O investimento nesta actuación, que se desenvolverá ao longo de catro meses, será dun total de 15.661,97 euros
Viveiro, 19 de novembro de 2024. O Concello de Viveiro anuncia a inminente renovación do Parque Infantil de Atalaia. A tenenta de alcaldesa e concelleira de Parques e Xardíns, Miriam Bermúdez sinalou que esta incluirá “a modernización e substitución dos elementos de xogo que actualmente se atopan obsoletos”.
Bermúdez sinala que “a intervención responde á necesidade de mellorar os espazos públicos destinados ao ocio infantil”. “É un paso importante para asegurar que os máis pequenos e pequenas poidan desfrutar dun entorno de xogo seguro e moderno, adaptado ás necesidades actuais”, engade.
As actuacións previstas como parte do proxecto son a retirada dos elementos existentes, a instalación dun columpio mixto e unha mesa de picnic de plástico reciclado e a colocación de bancos tamén feitos con material reciclado.
Tamén se instalará un chan de caucho encapsulado cunha superficie de 83,20 metros cadrados, mentres que se conservarán 286,80 metros cadrados de zonas de terreo brando. Colocarase así mesmo un novo valado de plástico reciclado, en cumprimento cos estándares europeos de seguridade.
O proxecto conta cun orzamento total de 15.661,97 euros con IVE incluído, contando con fondos provintes da Área de Mocidade dependente da Vicepresidencia da Deputación de Lugo.
Desenvolverase nun período de catro meses, garantindo “de xeito inminente un parque renovado e accesible para as familias de Viveiro” en palabras da tenenta de alcaldesa.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
Realizouse en dúas sesións, unha teórica e outra práctica. Na práctica contouse coa colaboración dos mestres Eloy Roces, Félix Bargados, Ángel Areas, Francisco Martins e Lino Gómez Feito. Nel actualizou a súa titulación de Xuíz de Tribunal Nacional de Graos o profesor do Club Shitokai Asturias Galicia, Julián Martín. Pola tarde celebrouse o exame de Cinto Negro ata 8º Dan. Os karatekas pertencentes ao Club de Karate de Ribadeo obtiveron os seguintes graos: Miguel Sanz Delgado, Cinto Negro 2º Dan. Janet Villarino Vizoso, Cinto Negro 1º Dan. Ambos coa idade mínima no seu Grao.
O Deputado de Medio Ambiente, Carlos López, participou no encontro, que serviu para perfilar os detalles da XLI edición deste certame, que terá lugar do 4 ao 6 de abril.
A cita está organizada pola Asociación Mulleres de San Ciprián, coa colaboración do Concello de Cervo. A programación é a seguinte: 12:30 horas, Misa na Capela de San Andrés. 14:30 horas, xantar no Restaurante O Noso Lar. Adquisición de tickets no propio restaurante.
Trátase de froiteiras, ornamentais ou autóctonas e tamén prantas de xardín. Rematará o 30 de decembro.
