Nota de prensa
Os populares responden ao Grupo Socialista Municipal que criticou os investimentos previstos pola Xunta no seu termo municipal
CO PSOE DE CERVO “NIN BARCO, NIN PORTO”
TRAIZÓN: Non é a primeira vez que os edís do PSOE en vez de felicitarse polos investimentos que a Xunta popular destina a Cervo critican estas achegas.
INCOHERENCIA: Mentres que os socialistas critican a construción da goleta -que suporá unha rendibilidade turística, cultural e a nivel de emprego- non fan o mesmo con outras actuacións promovidas polas administración socialistas do goberno central como o Centro de Interpretación Mariña en Foz (3,7 M€) ou o ascensor panorámico de Ribadeo (1,4 M€).
A nova praza dos Campos deixa en evidencia as mentiras do PSOE que acusan ao Concello de querer construír un edificio onde só haberá espazo 100% público, con zonas verdes, deportivas, con xogos infantís e para o tempo de lecer e paseo.
Cervo, 30 de outubro de 2010.- O Partido Popular de Cervo non quere deixar pasar a oportunidade de responder ás críticas do Grupo Socialista local respecto dos investimentos que a Xunta ten previsto facer no termo municipal e, nomeadamente en relación coa construción da goleta tipo “San Ciprián” e da nova praza dos Campos. Acusaron aos socialistas de ser “profundamente desleais” cos veciños do municipio “pois nunca antes asistimos a un espectáculo tan bochornoso como o ver a uns concelleiros, que se deben ao seu pobo, saír publicamente a cuestionar os investimentos que chegan a Cervo en vez de felicitarse polos mesmos”. Indican tamén que este comportamento é unha “traizón” da que tomarán boa nota todos os cervenses.
NIN PRAZA, NIN BARCO
Os populares lembran que co PSOE no Goberno da Xunta non houbo cartos “nin para o barco, nin para o porto”, xa que durante os catro de bipartito non houbo investimento algún para estas nin outras actuacións. “Pola contra, agora co PP no Goberno autonómico, chegan recursos para o novo porto deportivo e tamén para a Goleta; así como para outras moitas actuacións que as administracións socialistas lles estiveron negando todo o
tempo aos veciños deste concello”.
Os populares tampouco comprenden como é posible que o PSOE critique en Cervo esta actuación e non faga o mesmo con outros proxectos promovidos desde administracións socialistas e con financiamento do Estado, como son o novo Centro de Interpretación do Mar de Foz –no que o Ministerio de Medio Ambiente Investiu 3,7 millóns de euros- ou o ascensor panorámico de Ribadeo –cun custe de 1,4 millóns de euros, achegados tamén polo Estado-. Desde o PP están convencidos que a construción da goleta é “polo menos igual de prescindible” que estas actuacións anteriormente citadas. “A diferencia estriba en que nós non criticamos a idoneidade delas, mentres que a eles de súpeto dálles por poñer en tela de xuízo calquera investimento que veña a Cervo escudándose nunha crise que levan negando ata hai dous días” aseguraron.
Os populares insisten nas vantaxes da construción da goleta no eido turístico (punto de interese e atracción de visitas), cultural (apoio e posta en valor das carpinterias de Ribeira) e no ámbito da creación e consolidación do emprego artesanal (postos de traballos asociados á construción da goleta)
PRAZA DOS CAMPOS
No PP defenden tamén as achegas da Xunta destinadas á construción da nova praza dos Campos por canto supón recuperar un espazo libre e público, un emprazamento situado no medio de San Ciprián. “Ademais con esta nova praza, estamos a deixar en evidencia as mentiras do PSOE, que sempre defendeu que o que alí pretendíamos era edificar, construír pisos de vivendas. Todo o contrario haberá unha praza pública, espazos verdes, zonas de lecer, de xogo infantil e para a práctica deportiva… algo que parece molestar ao PSOE, obsesionado en que en Cervo non se investina nin un só euro”
Finalmente os populares afirman non comprender como despois de anos e meses negando a existencia da crise, agora o PSOE empregue esta escusa como argumento para rexeitar os investimentos previstos en Cervo. “O seu problema é que non lles gusta que o PP se esforce tanto na Xunta como no Concello por investir e apostar por Cervo”-conclúen
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
