Xurxo Souto polas rúas de Ribadeo

Ribadeo, 16 de novembro, 2024. Este venres escoitouse roncar as ribeiras nun mar de poesía. Da man de Xurxo Souto botouse unha ollada ás nosas “Palabras na varanda”, dedicadas este ano a Luisa Villalta.

Posteriormente presentouse o ibro “Somos un país de artistas”, onde precisamente se evoca a figura de persoas como Luisa Villalta, que sempre reclamaron a poesía como espírito do pobo. A A.C. Francisco Lanza agradece a Xurxo “ese mar de anécdotas que foron coroando as súas distintas intervencións, pola música que lle puxo á noite, polo que nos fixo cantar e, sobre todo, polo que nos fixo aprezar o noso, a nosa lingua, a nosa cultura”.

“Moitas grazas tamén a Alba López por lembrar con Xurxo Souto a figura de Luisa Villalta. Grazas a Xermán Viluba e Emilio López, dos “Escornabois” por lembrar o movemento bravú. Tamén a Arturo Mogo por nos ler a letra do himno bravú de Ribadeo. E moitas grazas, sobre todo, ás persoas que lle déstedes vida a tan fermoso acto polas rúas de Ribadeo coa vosa presenza”.