A área de Parques e Xardíns busca deste xeito impulsar a xestión sostible de residuos con novas formacións, así como con melloras no Punto Limpo
Viveiro, 5 de novembro de 2024. A Tenencia de Alcaldía de Viveiro está a implementar diversas medidas co obxectivo de mellorar a xestión dos residuos e fomentar a sostibilidade no municipio. Recentemente, organizou unha formación para o persoal da brigada de Parques e Xardíns e do Punto Limpo para optimizar o uso e mantemento das novas biotrituradoras adquiridas.
A tenenta de alcaldesa e responsable da área de Parques e Xardíns, Míriam Bermúdez, subliñou que a biotrituradora, a cal xa se encontra en funcionamento, “facilitará a optimización na xestión de residuos orgánicos e contribuirá á limpeza dos espazos públicos”.
“Esta adquisición é parte dos nosos esforzos para garantir un Viveiro máis limpo e respectuoso co medio ambiente, reflectindo tamén o noso compromiso coa eficiencia e o aforro económico”, afirmou Bermúdez.
Ademais, a tenenta de alcaldesa anunciou a ampliación do Punto Limpo situado en A Patarroa, cun investimento de 103.851,79 euros. Esta obra incluirá a creación dun depósito específico para podas e biomasa.
A actuación ten como obxectivo eliminar de forma definitiva a mala práctica de utilizar a zona das Nogueiras como depósito de biomasa. Nas últimas semanas de outubro, xa se realizaron labores de limpeza e retirada dos residuos acumulados nesta área.
“Dende o Concello de Viveiro condenamos as condutas incívicas dalgúns veciños, como o abandono de escombros, uralita, electrodomésticos ou restos de podas no espazo das Nogueiras”, sinalou Bermúdez.
“É importante recordar que depositar residuos voluminosos na vía pública sen previa comunicación e confirmación da empresa concesionaria é considerado como unha falta grave na Ordenanza de Convivencia, Limpeza e Residuos, cunha sanción que pode variar entre 751 e 1.500 euros”, engadiu.
Será na Biblioteca Municipal "El Viejo Pancho", de Ribadeo, ás 20,30 horas. Participarán Farruco Graña, presidente da ACFL e o propio autor.
Tivo lugar este luns na Casa do Mar como peche da programación do Concello de Cervo polo Samaín. As crianzas desfrutaron moito trazando ás súas personaxes favoritas.
Pódese axudar entregando: Auga embotellada, leite, alimentos non perecedoiros e artigos de limpeza persoal nos puntos de recollida habilitados na Casa do Concello e na Casa da Cultura (en horario de mañá).
O próximo martes, ás 20h, na Biblioteca Municipal de Viveiro, presentarase o número 189 do Terra e Tempo dedicado á primeira gran organización de masas do nacionalismo, a Asemblea Nacional-Popular Galega (AN-PG), que durou desde 1975 até 1982, cando se convertiu no BNG actual. Falarña desta etapa da nosa historia Francisco Luís Rodríguez Guerreiro e Néstor Rego Candamil, dúas persoas que a viviron en primeira persoa, aínda que con distintas idades. "Existimos porque houbo un tempo pasado no que tivemos vontade de ser".
A FEMP, Federación Española de Municipios e Provincias, traslada a petición da Federación Valenciana de Municipios, na que solicita que os concellos que queiran colaborar cos afectados pola DANA recollan auga, leite, alimentos non perecedoiros e produtos hixiénicos. "Se queres axudar, deposita no carro solidario a túa aportación". Os supermercados de Burela xa incluidos na campaña son Eroski Center, Alcampo, Eroski City, Claudio e Froiz. Iranse unindo os próximos días máis supermercados da vila
O vindeiro mércores día 6 de novembro, a libraría Bahía acolle a presentación da Guía micolóxica básica da provincia de Lugo. En colaboración coa Asociación Os Bolouros de Foz e a Asociación Micolóxica Lucus de Lugo. Estarán tamén os autores da publicación. Trátase dunha guía sinxela para poder identificar con claridade as especies de cogomelos que podemos encontrar na nosa provincia, moi interesante, por tanto, tanto para quen xa son afecionados á identificación de fungos, coma para quen queren introducirse neste apaixoante mundo.
