“Unha actuación fundamental para evitar riscos de inundacións, aumentando a capacidade hidráulica do río Fontecova nun tramo de 300 metros”, explica a alcaldesa, María Loureiro
Viveiro, 4 de movembro de 2024. A alcaldesa de Viveiro, María Loureiro, asinou esta tarde en Santiago o convenio de colaboración para realizar as obras que eviten novas inundacións no barrio da Xunqueira coa conselleira de Medio Ambiente e Cambio Climático, Ángeles Vázquez, e co presidente da Deputación de Lugo, José Tomé Roca.
A actuación, para aumentar a capacidade hidráulica do río Fontecova nun tramo de algo menos de 300 metros, suporá un investimento de preto dun millón de euros.
Despois de numerosas xestións realizadas pola alcaldesa, María Loureiro, realizaranse estas melloras estruturais. “Unhas obras moi necesarias e que terán un impacto enorme na vida dos veciños e veciñas”, explica.
A Deputación de Lugo achegará un total de 192.348,73 euros en tres anualidades; o Concello de Viveiro aportará outros 192.348,74 euros e Augas de Galicia 600.000 euros.
Entre as actuacións máis relevantes está prevista a ampliación do leito do río, con novos muros de contención; a renovación e ampliación da ponte existente pouco máis arriba da estrada autonómica LU-540; a creación dunha obra de drenaxe pegada á ponte medieval Camiño da Fonte; a instalación dunha nova zona verde ao final da rúa na que se situará a fonte pública; e o traslado do actual lavadoiro, que se instalará máis abaixo do curso do río.
Tivo lugar este luns na Casa do Mar como peche da programación do Concello de Cervo polo Samaín. As crianzas desfrutaron moito trazando ás súas personaxes favoritas.
Pódese axudar entregando: Auga embotellada, leite, alimentos non perecedoiros e artigos de limpeza persoal nos puntos de recollida habilitados na Casa do Concello e na Casa da Cultura (en horario de mañá).
O próximo martes, ás 20h, na Biblioteca Municipal de Viveiro, presentarase o número 189 do Terra e Tempo dedicado á primeira gran organización de masas do nacionalismo, a Asemblea Nacional-Popular Galega (AN-PG), que durou desde 1975 até 1982, cando se convertiu no BNG actual. Falarña desta etapa da nosa historia Francisco Luís Rodríguez Guerreiro e Néstor Rego Candamil, dúas persoas que a viviron en primeira persoa, aínda que con distintas idades. "Existimos porque houbo un tempo pasado no que tivemos vontade de ser".
Os/as pequenos/as da Escola Infantil Municipal defrutaron tamén da súa Festa de Samaín terrorificamente caracterizados para a ocasión.
A FEMP, Federación Española de Municipios e Provincias, traslada a petición da Federación Valenciana de Municipios, na que solicita que os concellos que queiran colaborar cos afectados pola DANA recollan auga, leite, alimentos non perecedoiros e produtos hixiénicos. "Se queres axudar, deposita no carro solidario a túa aportación". Os supermercados de Burela xa incluidos na campaña son Eroski Center, Alcampo, Eroski City, Claudio e Froiz. Iranse unindo os próximos días máis supermercados da vila
O vindeiro mércores día 6 de novembro, a libraría Bahía acolle a presentación da Guía micolóxica básica da provincia de Lugo. En colaboración coa Asociación Os Bolouros de Foz e a Asociación Micolóxica Lucus de Lugo. Estarán tamén os autores da publicación. Trátase dunha guía sinxela para poder identificar con claridade as especies de cogomelos que podemos encontrar na nosa provincia, moi interesante, por tanto, tanto para quen xa son afecionados á identificación de fungos, coma para quen queren introducirse neste apaixoante mundo.
