Dende o Grupo Provincial Popular recordan como socialistas e nacionalistas votaron onte en contra de que todas as administracións colaborasen para paliar os danos sufridos no sector agrogandeiro derivados das inclemencias meteorolóxicas
Lugo, 30 de outubro de 2024. Os deputados do Grupo Provincial Popular esixen “unha reflexión” a PSOE e BNG despois de que o goberno provincial cualificase onte de “tontería” a moción do PP para pedir axudas e colaboración á Deputación, Xunta de Galicia e Goberno central para os afectados polo furacán Kirk.
O voceiro provincial popular, Antonio Ameijide, considera que tanto socialistas como nacionalistas deben de “reflexionar e, incluso, pedir desculpas aos afectados” xa que o sector agrogandeiro “é vital” para a economía da provincia. “Dicir que é unha ‘tontería’ e que a moción na que se pedían axudas para os afectados ‘non vale nin para envolver o papel do queixo’ non é digno de ningún político e menos dun goberno provincial, ademais dunha falta de respecto a gandeiros e agricultores desta provincia”, afirmou.
Ademais, Ameijide ve “cando menos curiosas” as escusas dadas polo goberno provincial para votar en contra desta petición de axudas a todas as administracións. “Din que non teñen competencias na materia, pero uns minutos antes aprobouse por unanimidade destinar 1M€ para un proxecto de desenvolvemento agrogandeiro co que, por suposto, tamén estamos de acordo”, explicou.
A moción dos populares pedía a colaboración da Deputación de Lugo, a Xunta de Galicia e o Goberno central:
A Deputación cunha liña extraordinaria de axudas directas
A Xunta de Galicia aumentando os fondos para que os gandeiros e agricultores contraten seguros
O Goberno central cooperando para paliar os danos sufridos
Será este xoves, a partir das 19:30h na Casa de Cultura. Ao remate haberá chocolatada cortesía do APA O Vicedo. Quen se queira apuntar debe ir atuendado de saba branca, cara pintada e unha cabaza propia feita de casa.
Os feitos delituosos tiveron lugar o pasado día 18 de outubro, no interior dun establecemento comercial de Ribadeo, cando supostamente a persoa investigada aproveitando un descoido da propietaria do local subtraeu dous aneis dun expositor. No marco da investigación logrouse recuperar un dos obxectos subtraídos, continuando xestións para localizar e recuperar o outro. As dilixencias policiais e a persoa investigada foron postos ao dispor xudicial.
Esta actividade está deseñada para levar a cabo a implantación da figura do coordinador/a de benestar e protección tal como recolle a Lei 8/2021 de protección integral da infancia e da adolescencia que establece que todos os centros educativos onde cursen estudos persoas menores de idade deben ter esta figura. Será impartido por Paula Abelleira Sánchez, orientadora de IES do Camiño de Palas de Rei (Lugo) Actualmente imparte formacións de "Coordinador de benestar e protección educativa". Realizarase online ou presencial, do 18 de novembro ao 16 de decembro, de 16:00 a 19:00 horas. Máis información e matrícula: 
O pasado sábado, 26 de outubro, tivo lugar na Pousada do Almacén en Cervo unha emotiva xuntaza do antigo alumnado do Cole de Cervo dende a xeración de 1977 ata 2006 para homenaxear a súa mestra Lila, con motivo da súa xubilación, estando acompañada polo seu inseparable Toño (tamén mestre no Centro). Lila foi unha carismática mestra que impartíu no Colexio Público de Cervo dende comezos da década dos 90 ata xuño pasado. Máis de 70 persoas asistiron á cea e unhas 110 participaron nos distintos agasallos entregados ao remate cos respectivos discursos. A homenaxe continuou logo no Muíño para rememorar anécdotas dos tempos mozos das persoas asistentes.
A edil Begoña Sanjurjo explicou que “foi unha xornada de convivencia e desconexión do mundanal ruído”. E contou que “a meteoroloxía deixounos desfrutar da contorna do balneario e da área recreativa da Carballeira en Parga, onde comemos”. A concelleira de Igualdade dixo que “foi unha experiencia que nos deixou gañas de repetir”.
Destinado ao público infantil e familiar a partir dos 3 anos. O espectáculo trata a temática da memoria, da vellez, da demencia, da soidade e da dura e esixente tarefa de coidar as persoas maiores e enfermas. Será ás 18 horas.
A programación contempla unha yincana terrorífica, varios obradoiros e dous concursos, un de cabazas e outro de disfraces. Para participar en ambos os concursos, os interesados terán que traer os disfraces e as cabazas preparadas previamente de casa. Ademais, tamén se poderán degustar varios produtos típicos destas datas, por exemplo as castañas asadas. Todas as actividades do programa serán gratuítas e están dirixidas a todos os públicos.
