Barreiros, 23 de outubro de 2024. O Concello de Barreiros segue avanzando no estudo de alternativas para o entorno da Praia de San Bartolo. No día de onte, tivo lugar unha xuntanza da comisión creada polo Pleno, con representación dos tres grupos políticos, para recibir a información por parte do Servizo Provincial de Costas.
Na sesión, que se prolongou por máis de dúas horas, o xefe provincial do servizo explicou a situación existente, fixo referencia a outras similares e abriu un abano de posibilidades de actuación en base á experiencia previa similar noutros puntos da costa.
A alcaldesa, Ana Ermida, facía un resumo das posibilidades en dúas: “debemos avaliar se reabrir os accesos, cun mero arranxo dos mesmos, baseándonos nunha prohibición de achegarse aos cantís na ordenanza municipal ou solicitar un estudo xeotécnico completo e rigoroso da zona para ver a estabilidade do cantil e determinar as actuacións a levar a cabo que poden concluír no retranqueo do propio paseo marítimo”.
A rexedora, incidiu na idea que leva trasladando desde o inicio desta situación: “a día de hoxe o único xeito de garantir a seguridade na praia é non permitindo o acceso á mesma, especialmente, en marea alta, cando o espazo que queda é unicamente o de debaixo dos cantís”.
Na reunión de onte tamén quedaron descartadas tecnicamente outras posibilidades trasladadas polo portavoz da oposición, como o enchido dos buratos creados polo mar con formigón ou outros materiais.
Coa información trasladada onte, os representantes municipais dos tres partidos volverán reunirse o vindeiro luns pola tarde, a efectos de deliberar por se existe unha decisión consensuada. En calquera caso, a rexedora ofreceu á oposición a posibilidade de propor o convite a persoas expertas que poidan aportar información ou coñecementos adicionais aos recibidos onte, co fin de “facernos unha composición da situación o máis real e obxectiva posible de cara a fundamentar as decisións que tomemos”.
A comisión está conformada pola propia alcaldesa; o concelleiro de media ambiente, Dámaso Ratoeira Basanta; a concelleira do PSOE, Carmen Veiga Rodríguez, e os concelleiros populares, José Manuel Gómez Puente e María Ramona García de Gabriel.
Os feitos delituosos tiveron lugar o pasado día 20, cando a persoa investigada supostamente causou diversos danos a un vehículo estacionado no termo municipal de Meira. A súa propietaria ao observalo recriminoulle a acción, sendo agredida pola persoa investigada, á vez que a sometou a diversos insultos despectivos referentes ao seu lugar de orixe. As dilixencias policiais e a persoa investigada foron postas ao dispor da Autoridade Xudicial.
Contou coas actuacións de Cordenaia, Fol do Raxal, A Rebolaxe, Mistura, Coro se Cervo e Coral Terramar cun auditorio cheo na Casa da Cultura.
En total, a mostra reúne sete obras dos veciños e veciñas Carmen Rodríguez, Juan Pablo Docal, Nuria Ramos e Pilar Lorenzo, abarcando unha gran variedade de disciplinas, como a fotografía, a pintura ou o debuxo. Conta con entrada gratuíta e poderase visitar ata o próximo 8 de xaneiro en horario de 10:00 a 13:00 horas e de 16:00 a 19:00 horas.
Trátase de Mercedes Fernández. A alcaldesa, Dolores García Caramés, quixo felicitala en persoa e compartir uns intres con ela e a súa familia, e como mostra de agarimo entregoulle un ramo de flores.
Despois da misa que se celebrará na Vila do Medio, haberá un breve concerto de panxoliñas na propia igrexa do grupo de música e canto de Ledicia, que será outro xeito de celebrar o 50 aniversario como asociación e servirá de homenaxe ó coro, que foi unha das primeras actividades coas que se iniciaba o traballo hai medio século.
Recibiron un agasallo da man do mesmísimo Papá Noel!
As karatekas do Shitokai que asistiron ao evento foron: Celia, Bárbara, Sira e Noa; e o Director técnico, José Julián Martín Gómez.
