Os populares coinciden en condenar “a falta de compromiso e vontade política” por parte do “PSOE e Sánchez” cunha infraestrutura que vertebraría a comarca da Mariña
A Mariña, 23 de outubro de 2024. Os populares condenan “a falta de compromiso e vontade política” por parte do “PSOE e do Goberno de Sánchez” cunha infraestrutura que vertebraría a comarca da Mariña como é a autovía A-74.
Á vista das respostas escritas ás preguntas dos deputados nacionais e senadores do PP lucense, o Goberno de España confirma en documentos oficiais que “os tramos da A-74 están exactamente igual que os deixou o Goberno de Mariano Rajoy” e, á vista do estado da tramitación dos diferentes tramos, “Besteiro mentiu aos mariñáns cando prometeu a contratación das obras neste 2024”.
Segundo valora o senador mariñán, José Manuel Balseiro, “o PSOE nos últimos 6 anos, desde que goberna en España, non moveu nin unha soa coma no proxecto da autovía que uniría Barreiros e San Ciprián”, tal e como relata o Executivo na súa resposta.
O deputado no Congreso pola comarca, Jaime De Olano, explica que “o tramo Barreiros – O Carme está pendente de ser sometido de novo a información pública, O Carme – Foz está en redacción tendo en conta as alegacións do anterior expediente, Foz – Burela en redacción e o tramo Burela – San Ciprián sin sequera se sacou a licitación a redacción do proxecto”.
FALTA DE VONTADE POLÍTICA E MENTIRAS EN CAMPAÑA DO PSOE
Balseiro considera “preocupante” a “falta de vontade política do Goberno e do PSOE por axilizar esta autovía” á vista de que “supeditan o inicio das obras á tramitación dos proxectos restantes, ás alegacións que se presenten, á dispoñibilidade orzamentaria e ás prioridades que lle asignen”.
O senador popular incide en que “o Executivo estatal non avanzou na construción dun só quilómetro, nin nos trámites administrativos, nin executou os preto de 4 millóns de euros que deixara consignado no 2018 o Goberno de Mariano Rajoy para executar as obras dun tramo; e tampouco foi capaz de executar os 500.000 euros por tramo consignados nos Presupostos Xerais do Estado polo propio Goberno de Sánchez”.
Ademais, afea que “o Goberno non concrete se ten previsto ou non poñer en servizo algún tramo nesta lexislatura”.
De Olano cre, pola súa banda, que “á vista do estado de tramitación -pendentes de ser sometidos a información pública os proxectos dos primeiros tramos e, despois, de resolver as alegacións-, as obras non se iniciarían, polo menos, ata finais do ano 2025”.
O deputado do PP no Congreso incide, nese sentido, en que “o secretario xeral do PSdeG, José Ramón Gómez Besteiro, mentiu aos mariñáns” cando “en xullo do 2023, durante a campaña electoral para as eleccións xerais nas que encabezaba a candidatura do PSOE por Lugo, anunciaba o compromiso de Pedro Sánchez para contratar as obras da A-74 neste ano 2024”.
Deste xeito, “Sánchez rectifica unha vez a palabra de Besteiro” e deixa en evidencia que “ten outras prioridades” que non son “nin a provincia de Lugo en xeral e nin A Mariña en particular”.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
