Ribadeo, 15 de outubro de 2024. Máis de trinta negocios asociados a Acisa Ribadeo colaboran nesta semana coa recollida anual de donativos da AECC con motivo do día internacional da loita contra o cancro de mama.
A presidenta da Asociación de Comerciantes, Industriais, Servizos e Autónomos de Ribadeo, Carmen Cruzado, dixo que “un ano máis Acisa Ribadeo colaborará coa Asociación Española de Loita contra o Cancro. Nesta semana de outubro mais de trinta negocios asociados contarán con huchas para a recollida de donativos destinados a este colectivo. Esta campaña desenvólvese coincidindo coa celebración día internacional da loita contra o cancro de mama, que ten lugar o 19 de outubro, xornada na que as asociacións fan fincapé na importancia da investigación, da ciencia, da prevención e da saúde”.
Cruzado Iglesias indicou que “se precisan recursos para estudar, investigar e previr esta enfermidade así como para tratar e acompañar ás mulleres que a sofren, por iso facemos un chamamento moi especial a toda a cidadanía a que aporten o que poidan para esta importante causa”.
O xerente de Acisa, Jesús Pérez, lembrou que “xeralmente finalizamos esta campaña de recadación moi satisfeitos e gustaríanos este ano superarnos”.
E engadiu que “as persoas que desexen colaborar coa Asociación Española de Loita contra o Cancro de Ribadeo poden deixar os seus donativos nos seguintes locais: Gasolinera el Jardín, Siñeiro Hogar, Susana Moreira, Agora, Oticalia Ribadeo, La Coqueta, Xeito Decoración, Grisi, O Lar de Manolo, La Oveja Negra, Hostal Churrería Linares, Farmacia Maria Eugenia, Bar Queimada, By Hortensia, Anais, Mercería Torviso, Calzados La Moda, Sargadelos Ribadeo, R23, Farmacia Álvarez Lebredo, For Friends, Esprit, Cuatro Vientos, Jatay, Coco, Sanjurjo Moda, Mika, Mariscos Ribadeo, O Indiano, Serendipia, For Friends Outlet y Ohana. Dende Acisa queremos agradecer a colaboración destes establecementos e tamén da AECC, que nos permite de novo botarlles unha man nesta importante causa”.
Merca no teu comercio
Na tarde de onte a presidenta de Acisa Ribadeo, Carmen Cruzado, asistiu en Lugo á entrega dos premios da campaña Merca no teu comercio, organizada pola Federaci´ñon Galega de Comercio e pola Xunta de Galicia, e indicou: “desde Acisa Ribadeo estamos moi satisfeitos porque dous dos premios que se sortearon nesta campaña coa que nós colaboramos, recaeron na nosa vila. As agraciadas foron María Pérez Blanco por unha compra realizada en O Ferrado Marelo e Mary Vázquez Murias por unha compra en Opticalia Ribadeo. Dende Acisa queremos felicitar tanto ás premiadas coma os establecementos nos que fixeron as súas compras e enfeitizar na importancia que ten mercar no comercio local e as vantaxes que supón, coma neste caso no que as afortunadas gañaron cada unha delas un bono de 200 euros”.
Felicitación a Beni Martínez
O xerente de Acisa, Jesús Pérez, quixo felicitar tamén “a Beni Martinez, que o volante do seu Ford Sierra Cosworth e na compañía do seu copiloto Víctor Méndez participaron no Rally Sprit Castropol esta pasada fin de semana, no que obtiveron a décima posición da clasificación xeral. Acisa Ribadeo foi un dos seus patrocinadores e estamos moi contentos de poder colaborar con el, pero sobre todo do excelente resultado”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
