Nota de prensa:
O BURELA FS DÁ A COÑECER O INFANTIL FEMININO
O CD Burela FS contará en 2010-11 cun equipo de base integramente feminino. Vista Alegre acolleu hai uns días a presentación do cadro infantil, que a partir de novembro participará na liga de Deporte Escolar, coordinada pola Xunta de Galicia e Federación Galega de Fútbol Sala; as alumnas estiveron acompañadas polas xogadoras do Burela FSF Pescados Rubén.
Claudia, unha das capitás do primeiro equipo feminino, asume as responsabilidades na preparación do conxunto, co apoio do xogador do Burela FS Minu, configurado por Silvia Otero, Marta Fernández, Ana Reija, Paula Lestegás, Gracieth Gomes, Matilde Mendes, Dara Helena Pereira, Claudia Teijeiro e Paula Vázquez, ademais de Carla Bolaños e Yaiza Iglesias, ambas as dúas alumnas xa da EDM Burela FS en tempadas anteriores.
Claudia destacou o novidoso da experiencia “tanto para ela como adestradora coma para as alumnas, que para a gran maioría este é o primeiro contacto coas ensinanzas de fútbol sala”, pero tamén incidiu na ilusión e futuro do proxecto: “Vexo as rapazas moi motivadas e comprometidas; asisten regularmente aos adestramentos e interésanse por aprender”. “A ilusión das alumnas tamén me motiva a min para mellorar como ensinante” dixo a xogadora laranxa, que quixo felicitar as pequenas futbolistas “pola súa inmellorable actitude e polos avances ao longo do primeiro mes de adestramentos”.
Manifesto pola Igualdade
En concordancia con este proxecto, o CD Burela FS vén de adherirse ao Manifesto pola Igualdade e a Participación da Muller no Deporte, iniciativa posta en marcha polo Consello Superior de Deportes. O club mariñán formalizou o seu compromiso coa práctica deportiva equilibrada a semana pasada na sinatura do devandito documento, tras o visto e prace do CSD.
As responsabilidades adquiridas pola entidade laranxa con esta adhesión centraranse, como xa vén demostrando no seu día a día, na promoción da equidade no deporte como vehículo de formación e transmisor de valores, garantindo a plena igualdade de acceso, participación e representación das mulleres, de todas as idades e condición, en todos os ámbitos e a todos os niveis.
O Burela FSF Pescados Rubén, dende a máxima categoría nacional, e o emerxente EDM Burela FS Infantil Feminino son dous claros reflexos da decidida aposta laranxa por construír unha sociedade en igualdade, como declara o manifesto.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
